ಪಾತಕಿ ಮುಖ್ತಾರ್‌ ಅನ್ಸಾರಿ ಮಗ ಉಮರ್‌ ಕಾಸಗಂಜ್‌ ಕಾರಾಗೃಹಕ್ಕೆ ಸ್ಥಳಾಂತರ

ಘಾಜಿಪುರ (ಉತ್ತರ ಪ್ರದೇಶ): ಮಾಜಿ ಶಾಸಕ ಹಾಗೂ ಪಾತಕಿ ಮುಖ್ತಾರ್‌ ಅನ್ಸಾರಿ ಅವರ ಮಗ ಉಮರ್‌ ಅನ್ಸಾರಿ ಅವರನ್ನು ಗಾಜಿಪುರ ಕಾರಾಗೃಹದಿಂದ ಕಾಸಗಂಜ್‌ ಜಿಲ್ಲಾ ಕಾರಾಗೃಹಕ್ಕೆ ಶುಕ್ರವಾರ ರಾತ್ರಿ ಸ್ಥಳಾಂತರಿಸಲಾಗಿದೆ.

ಈ ವಿಷಯವನ್ನು ಕೊತವಾಲಿ ಠಾಣಾಧಿಕಾರಿ ದೀನದಯಾಳ್‌ ಪಾಂಡೆ ಖಚಿತಪಡಿಸಿದ್ದಾರೆ.

ಉತ್ತರ ಪ್ರದೇಶ ಗ್ಯಾಂಗ್‌ಸ್ಟರ್‌ ಕಾಯ್ದೆಯಡಿ ಮುಟ್ಟುಗೋಲು ಹಾಕಿಕೊಂಡಿದ್ದ ತನ್ನ ತಂದೆಯ ಆಸ್ತಿಯನ್ನು ಬಿಡುಗಡೆ ಮಾಡುವಂತೆ ಕೋರಿದ್ದ ಅರ್ಜಿಗೆ ಸಂಬಂಧಿಸಿದಂತೆ ನ್ಯಾಯಾಲಯಕ್ಕೆ ನಕಲಿ ದಾಖಲೆಗಳನ್ನು ಸಲ್ಲಿಸಿದ ಆರೋಪದಡಿ ಉಮರ್‌ ಅವರನ್ನು ಲಖನೌದಲ್ಲಿ ಆ.3ರಂದು ಬಂಧಿಸಲಾಗಿತ್ತು.