ಉತ್ತರಪ್ರದೇಶ | ಬಾಲಕಿಯನ್ನು ಅಪಹರಿಸಿ ಅತ್ಯಾಚಾರ: ಶಿಕ್ಷಕನ ಬಂಧನ

ಬಲಿಯಾ (ಉತ್ತರಪ್ರದೇಶ): ಬಾಲಕಿಯನ್ನು ಅಪಹರಿಸಿ ಅತ್ಯಾಚಾರ ಎಸಗಿದ ಆರೋಪದಡಿ ಇಲ್ಲಿನ ಶಾಲಾ ಶಿಕ್ಷಕರೊಬ್ಬರನ್ನು ಬಂಧಿಸಲಾಗಿದೆ.

ಉತ್ತರ ಪ್ರದೇಶದ ಬಾಂಸ್‌ಡೀಹ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯ ಹಳ್ಳಿಯೊಂದರ ನಿವಾಸಿಯಾಗಿರುವ ಬಾಲಕಿ(15)ಯು ಆರೋಪಿ ಮೊಹಮ್ಮದ್‌ ಸಲಾದಿನ್‌ (26) ಶಿಕ್ಷಕನಾಗಿ ಕಾರ್ಯನಿರ್ವಹಿಸುತ್ತಿರುವ ಖಾಸಗಿ ಶಾಲೆಯ ವಿದ್ಯಾರ್ಥಿನಿ. ಪ್ರೌಢಶಾಲೆಯ ಪಠ್ಯದ ಬಗ್ಗೆ ಬಾಲಕಿಗೆ ಸಲಾದಿನ್‌ ಕೋಚಿಂಗ್‌ ನೀಡುತ್ತಿದ್ದರು.

ಮೇ 21ರಂದು ಕೋಚಿಂಗ್‌ ಸಂಸ್ಥೆಗೆ ತೆರಳಿದ್ದ ಬಾಲಕಿ ಬಳಿಕ ನಾಪತ್ತೆಯಾಗಿದ್ದರು. ‘ಸಲಾದಿನ್‌ ತನ್ನ ಮಗಳನ್ನು ಅಪಹರಿಸಿದ್ದಾರೆ’ ಎಂದು ಬಾಲಕಿಯ ತಂದೆ ದೂರು ನೀಡಿದ್ದರು.

ಬಸ್ತಿ ಜಿಲ್ಲೆಯಲ್ಲಿ ಬಾಲಕಿಯನ್ನು ಪತ್ತೆ ಹಚ್ಚಿದ ಪೊಲೀಸರು ಸಲಾದಿನ್‌ನನ್ನು ಬಂಧಿಸಿದ್ದಾರೆ. ‘ಸಲಾದಿನ್‌ ತನ್ನನ್ನು ಅಪಹರಿಸಿ, ಅತ್ಯಾಚಾರ ಎಸಗಿದ್ದಾರೆ’ ಎಂದು ಬಾಲಕಿ ವಿಚಾರಣೆ ವೇಳೆ ಪೊಲೀಸರಿಗೆ ತಿಳಿಸಿದ್ದಾರೆ.