ಉತ್ತರ ಪ್ರದೇಶ: 17 ಮಕ್ಕಳು ಸೇರಿ 89 ಜನರಲ್ಲಿ ಝೀಕಾ ವೈರಸ್‌ ಪತ್ತೆ

ಲಖನೌ: ಉತ್ತರ ಪ್ರದೇಶದಲ್ಲಿ ಝೀಕಾ ವೈರಾಣು ಉಲ್ಬಣಗೊಂಡಿದ್ದು ಕಾನ್ಪುರದಲ್ಲಿ ಕನಿಷ್ಠ 17 ಮಂದಿ ಮಕ್ಕಳು ಸೇರಿದಂತೆ 89 ಜನರಲ್ಲಿ ಸೋಂಕು ಪತ್ತೆಯಾಗಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

’ಝೀಕಾ ವೈರಾಣು ಪ್ರಕರಣಗಳಲ್ಲಿ ಏರಿಕೆ ಕಂಡು ಬಂದಿದ್ದು ಅದರ ಹರಡುವಿಕೆ ತಡೆಗಟ್ಟಲು ಆರೋಗ್ಯ ಇಲಾಖೆಯು ಹಲವು ತಂಡಗಳನ್ನು ರಚಿಸಿದೆ‘ ಎಂದು ಉತ್ತರ ಪ್ರದೇಶದ ಕಾನ್ಪುರ ಜಿಲ್ಲೆಯ ಮುಖ್ಯ ವೈದ್ಯಕೀಯ ಅಧಿಕಾರಿ ಡಾ.ನೇಪಾಲ್‌ ಸಿಂಗ್‌ ತಿಳಿಸಿದರು.

’ಝೀಕಾ ಸೋಂಕಿತರಲ್ಲಿ ಒಬ್ಬ ಗರ್ಭಿಣಿ ಮಹಿಳೆಯಿದ್ದು ಅವರ ಬಗ್ಗೆ ವಿಶೇಷ ಗಮನ ಹರಿಸಿದ್ದೇವೆ‘ ಎಂದೂ ಅವರು ಹೇಳಿದರು.