ಹಲ್ಲೆ ಪ್ರಕರಣ: ನಟ ವಿದ್ಯುತ್‌ ಆರೋಪಮುಕ್ತ

ಮುಂಬೈ: ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಿವುಡ್‌ ನಟ ವಿದ್ಯುತ್‌ ಜಮ್‌ವಾಲ್‌ ಹಾಗೂ ಸ್ನೇಹಿತ ರಿಶಾಂತ್‌ ಗೋಸ್ವಾಮಿಯನ್ನು ಇಲ್ಲಿನ ನ್ಯಾಯಾಲಯ ಆರೋಪಮುಕ್ತಗೊಳಿಸಿದೆ.

2007ರಲ್ಲಿ ಸಾಂತಾಕ್ರೂಜ್‌ನ ಪಂಚತಾರಾ ಹೋಟೆಲೊಂದರಲ್ಲಿ ವಿದ್ಯುತ್‌ ಮತ್ತು ರಿಶಾಂತ್‌ ಸೇರಿ ರಾಹುಲ್‌ ಸೂರಿ ಎಂಬವರ ಮೇಲೆ ಬಾಟಲಿಯಿಂದ ಹಲ್ಲೆ ನಡೆಸಿದ್ದರು ಎಂದು ಆರೋಪಿಸಲಾಗಿತ್ತು.

ಎಫ್‌ಐಆರ್‌ ದಾಖಲಿಸಿಕೊಂಡಿದ್ದ ಪೊಲೀಸ್‌ ಅಧಿಕಾರಿ ಹಾಗೂ ಇನ್ನೊಬ್ಬ ವ್ಯಕ್ತಿಯನ್ನು ನ್ಯಾಯಾಲಯ ಸಾಕ್ಷಿಗಳಾಗಿ ಪರಿಗಣಿಸಿತ್ತು.