ಅಕ್ರಮ ಸಾಗಣೆ: 2592 ಲೀಟರ್‌ ಮದ್ಯ ವಶ, ಎರಡು ವಾಹನಗಳ ಜಪ್ತಿ

ರಾಯಚೂರು: ಅಕ್ರಮವಾಗಿ ಮದ್ಯ ಸಾಗಿಸುತ್ತಿದ್ದ ಎರಡು ವಾಹನಗಳು ಹಾಗೂ ಅವುಗಳಲ್ಲಿದ್ದ 2592 ಲೀಟರ್ (300 ಬಾಕ್ಸ್) ವಿಸ್ಕಿಯನ್ನು ಲಿಂಗಸುಗೂರು ತಾಲ್ಲೂಕು ಆಮ್ದಿಹಾಳ ಮತ್ತು ನಾಗರಾಳ ಮಧ್ಯ ಗುರುವಾರ ಮದ್ಯರಾತ್ರಿ ಅಧಿಕಾರಿಗಳು ಜಪ್ತಿ ಮಾಡಿಕೊಂಡಿದ್ದಾರೆ.

ಲಿಂಗಸುಗೂರು ಉಪವಿಭಾಗಾಧಿಕಾರಿ ಹಾಗೂ ಪೊಲೀಸರ ತಂಡವು ವಾಹನಗಳ ತಪಾಸಣೆ ಮಾಡುವಾಗ ಅಕ್ರಮ ಮದ್ಯ ಇರುವುದು ಕಂಡು ಬಂದಿದೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಡಾ.ಬಗಾದಿ ಗೌತಮ್ ತಿಳಿಸಿದ್ದಾರೆ.