ಕಥಾ ಸಂಕಲನ ಸ್ಪರ್ಧೆ

ಬೆಂಗಳೂರು: ಮಾಸ್ತಿ ಪ್ರಶಸ್ತಿ ಸಮಿತಿಯು ಡಾ.ಮಾಸ್ತಿ ವೆಂಕಟೇಶ ಅಯ್ಯಂಗಾರ್ ಟ್ರಸ್ಟ್ (ಕೋಲಾರ) ಸಹಯೋಗದಲ್ಲಿ 2011 ಮತ್ತು 2012ನೇ ಸಾಲಿನಲ್ಲಿ ಪ್ರಕಟವಾಗಿರುವ ಕಥಾಸಂಕಲನಗಳ ಸ್ಪರ್ಧೆಯನ್ನು ಆಯೋಜಿಸಿದೆ.

ಜೂನ್ ತಿಂಗಳಲ್ಲಿ ಆಯೋಜಿಸುವ `ಮಾಸ್ತಿ ಕಥಾ ಪುರಸ್ಕಾರ' ಸಮಾರಂಭದಲ್ಲಿ ಇಬ್ಬರು ಲೇಖಕರು ಮತ್ತು ಪ್ರಕಾಶಕರಿಗೆ ಮಾಸ್ತಿ ಫಲಕವನ್ನು ನೀಡಲಾಗುವುದು. ಸ್ಪರ್ಧೆಯಲ್ಲಿ ವಿಜೇತರಾಗುವ ಲೇಖಕರಿಗೆ ್ಙ15,000 ಮತ್ತು ಪ್ರಕಾಶಕರಿಗೆ ್ಙ8,000 ನಗದು ಬಹುಮಾನ ದೊರಕಲಿದೆ.

ಕನ್ನಡದ ಮೂಲ ರಚನೆಯ ಪ್ರಕಟಿತ ಕಥಾಸಂಕಲನಗಳನ್ನು ಮಾತ್ರ ಕಳುಹಿಸಬೇಕು ಎಂದು ತಿಳಿಸಿದೆ. ಮಾರ್ಚ್ 30ರ ಒಳಗೆ ಕಥಾಸಂಕಲನಗಳ ಪ್ರತಿಯನ್ನು ಸಲ್ಲಿಸುವಂತೆ ಪ್ರಕಟಣೆ ತಿಳಿಸಿದೆ.

ವಿಳಾಸ: ನಂ.21, ಎಲ್ಲಪ್ಪ ಉದ್ಯಾನ, 10ನೇ ಕ್ರಾಸ್, ಮಲ್ಲೇಶ್ವರ. ಹೆಚ್ಚಿನ ಮಾಹಿತಿಗಾಗಿ: 2336 3347.