ಕೊಲ್ಲೂರಿನಲ್ಲಿ ಇಳೆಯರಾಜ ಜನ್ಮದಿನ ಆಚರಣೆ

ಕೊಲ್ಲೂರು: ದಕ್ಷಿಣ ಭಾರತದ ಪ್ರಸಿದ್ಧ ಸಂಗೀತ ನಿರ್ದೇಶಕ ಇಳೆಯರಾಜ ಅವರು ತಮ್ಮ 70ನೇ ಜನ್ಮದಿನ ನಿಮಿತ್ತ ಶನಿವಾರ ತಮ್ಮ ಕುಟುಂಬದ ಸದಸ್ಯರ ಜತೆ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನಕ್ಕೆ ಬಂದು ದೇವಿಯ ದರ್ಶನ ಪಡೆದರು.

ಈ ಸಂದರ್ಭದಲ್ಲಿ ಅವರು ದೇವಿಯ ಸನ್ನಿಧಿಯಲ್ಲಿ ಭೀಮರಥಿ ಶಾಂತಿ ಹೋಮ ಕೈಗೊಂಡರಲ್ಲದೆ, ಚಂಡಿಕಾ ಯಾಗ, ಗೋಪೂಜೆ ನಡೆಸಿ, ಗೋದಾನ ಮಾಡಿದರು . ಕ್ಷೇತ್ರ ಪುರೋಹಿತ ಕೆ. ಶ್ರೀಧರ ಅಡಿಗ ಅವರ ನೇತೃತ್ವದಲ್ಲಿ ಎಲ್ಲ ವಿಧಿಗಳು ನೆರವೇರಿದವು.