ಗಿನ್ನೆಸ್ ದಾಖಲೆಗೆ ಶಾಂತಿವನ ಯೋಗ

ಉಜಿರೆ: ‘ಶಾಲೆಗಳಲ್ಲಿ ಯೋಗ ಮತ್ತು ನೈತಿಕ ಶಿಕ್ಷಣ’ ಯೋಜನೆಯಡಿ ಧರ್ಮಸ್ಥಳದ ಶಾಂತಿವನ ಟ್ರಸ್ಟ್ ಆಯೋಜಿಸಿದ್ದ ಯೋಗ ಪ್ರದರ್ಶನ ಗಿನ್ನೆಸ್ ವಿಶ್ವ ದಾಖಲೆಯ ಮಾನ್ಯತೆ ಪಡೆದಿದೆ.

ಟ್ರಸ್ಟ್ ಆಶ್ರಯದಲ್ಲಿ 2013ರ ಡಿಸೆಂಬರ್ 13ರಂದು ಉಡುಪಿ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಯ 47 ಕೇಂದ್ರ­ಗಳಲ್ಲಿ ಏಕಕಾಲದಲ್ಲಿ 62,824 ವಿದ್ಯಾರ್ಥಿ­ಗಳು ಅರ್ಧ ಗಂಟೆ ಯೋಗ ಪ್ರದರ್ಶನ ನೀಡಿದ್ದು ‘ವಿಶ್ವದ ಅತ್ಯಂತ ದೊಡ್ಡ ಯೋಗ ಪ್ರದರ್ಶನ’ ಎಂದು ಗಿನ್ನೆಸ್ ಅಧಿಕಾರಿಗಳು ದೃಢೀಕರಿಸಿದ್ದಾರೆ.
ಟ್ರಸ್‌್ಟ ವತಿಯಿಂದ ರಾಜ್ಯದ 9 ಜಿಲ್ಲೆ­ಗಳಲ್ಲಿ 3 ಲಕ್ಷ ವಿದ್ಯಾರ್ಥಿಗಳಿಗೆ ಯೋಗ ತರಬೇತಿ ನೀಡಲಾಗಿದೆ. 

ಬೆಂಗಳೂರಿನ ರಾಜಭವನದಲ್ಲಿ ಏಪ್ರಿಲ್ 3 ರಂದು ಸಂಜೆ 6ಕ್ಕೆ ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ಅವರು ಶಾಂತಿವನ ಟ್ರಸ್‌್ಟಗೆ ಗಿನ್ನೆಸ್ ಪ್ರಮಾಣಪತ್ರ ನೀಡುವರು. ಲಂಡನ್‌ನ ಗಿನ್ನೆಸ್ ಅಧಿಕಾರಿಗಳು ಸಮಾರಂಭದಲ್ಲಿ ಭಾಗವಹಿಸುವರು. ಧರ್ಮಸ್ಥಳದ ಧರ್ಮಾಧಿಕಾರಿ  ಡಿ.­ವೀರೇಂದ್ರ ಹೆಗ್ಗಡೆ ಅವರು ಅಧ್ಯಕ್ಷತೆ ವಹಿಸುವರು.