ಗುಲ್ಬರ್ಗದಲ್ಲಿ ಅಧಿಕ ತಾಪಮಾನ

ಬೆಂಗಳೂರು: ಗುರುವಾರ ಬೆಳಿಗ್ಗೆ 8.30 ಕ್ಕೆ ಕೊನೆಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ರಾಜ್ಯದ ಕರಾವಳಿ ಸೇರಿದಂತೆ ಉತ್ತರ ಹಾಗೂ ದಕ್ಷಿಣ ಒಳನಾಡಿನ ಹಲವು ಪ್ರದೇಶಗಳಲ್ಲಿ ಮಳೆಯಾಗಿದೆ. ಹೊಸನಗರದಲ್ಲಿ (ಶಿವಮೊಗ್ಗ ಜಿಲ್ಲೆ) ಅತ್ಯಧಿಕ 10 ಸೆಂ.ಮೀ. ಮಳೆ ಆಗಿದೆ.

ಬ್ಯಾಡಗಿ (ಹಾವೇರಿ ಜಿಲ್ಲೆ), ಬರಗೂರು (ತುಮಕೂರು ಜಿಲ್ಲೆ) 7, ರಾಣೆಬೆನ್ನೂರು, ಪರಶುರಾಮಪುರ ತಲಾ 6, ಆಗುಂಬೆ, ನಾಯಕನಹಳ್ಳಿ 5, ಬಂಟ್ವಾಳ, ಶಿರಸಿ, ಯಲ್ಲಾಪುರ, ಕಾರವಾರ, ಕುಷ್ಟಗಿ, ಭಾಗಮಂಡಲ, ಶಿರಾಳಕೊಪ್ಪ, ಮೂಡಿಗೆರಡ, ಸಂಡೂರು, ಹಡಗಲಿ, ಶ್ರೀರಾಮಪುರ, ಚಿತ್ರದುರ್ಗ, ತುಮಕೂರು 4 ಸೆಂ.ಮೀ.ಮಳೆಯಾಗಿದೆ.
ಗುಲ್ಬರ್ಗದಲ್ಲಿ ಗರಿಷ್ಠ ಉಷ್ಣಾಂಶ 41.6 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.

ಮುನ್ಸೂಚನೆ: ಮುಂದಿನ 48 ಗಂಟೆಗಳ ಕಾಲ ಕರಾವಳಿ ಮತ್ತು ದಕ್ಷಿಣ ಒಳನಾಡಿನ ಬೆಟ್ಟ ಗುಡ್ಡ ಪ್ರದೇಶಗಳಲ್ಲಿ ಭಾರಿ ಮಳೆಯಾಗುವ ಸಂಭವವಿದೆ. ರಾಜ್ಯದ ಇತರೆಡೆಯೂ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.