ನಿವೃತ್ತ ಲೆಫ್ಟಿನೆಂಟ್ ಕರ್ನಲ್ ಆರ್.ಜಿ.ಹೆಗಡೆ ನಿಧನ

ಯಲ್ಲಾಪುರ (ಉ.ಕ ಜಿಲ್ಲೆ): ಭಾರ­ತೀಯ ಸೇನೆ­ಯಲ್ಲಿ ಲೆಫ್ಟಿನೆಂಟ್ ಕರ್ನಲ್ ಆಗಿ  ಕಾರ್ಯ ನಿರ್ವ­ಹಿ­ಸಿದ್ದ ಶಿರಸಿಯ ಜಾನ್ಮನೆ ಕುಟುಂಬದ ಆರ್.ಜಿ. ಹೆಗಡೆ (ರಮೇಶ ಗಣಪತಿ ಹೆಗಡೆ) ಇದೇ 10­ರಂದು ಮಹಾರಾಷ್ಟ್ರದ ಪುಣೆಯಲ್ಲಿ ನಿಧನ ಹೊಂದಿದರು.

ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರಿಗೆ 71 ವರ್ಷ ವಯಸ್ಸಾಗಿತ್ತು. ಪಾಕಿ­ಸ್ತಾನ ಮತ್ತು ಚೀನಾ ವಿರುದ್ಧ ಭಾರತ ನಡೆಸಿದ ಸಮರದಲ್ಲಿ ಕ್ರಿಯಾ­ಶೀಲರಾಗಿ ಪಾಲ್ಗೊಂಡಿದ್ದ ಅವರು, ಎನ್.ಸಿ.ಸಿ.ಯ ಸರ್ವ­ತೋಮುಖ ಬೆಳ­ವ­ಣಿಗೆಗೂ ಅಪಾರವಾಗಿ ಶ್ರಮಿಸಿದ್ದರು.
​
ನಿವೃತ್ತ ಡಿಎಸ್ಪಿ ಜಿ.ಟಿ. ಹೆಗಡೆ ಜಾನ್ಮನೆ ಅವರ ಪುತ್ರರಾಗಿದ್ದ ರಮೇಶ, ಇಲ್ಲಿಯ ಕಾಂಗ್ರೆಸ್‌ ಧುರೀಣ ಪ್ರಮೋದ ಹೆಗಡೆ ಅವರ ಸಹೋದರಿಯ ಪತಿಯಾಗಿದ್ದರು. ರಮೇಶ ಅವರಿಗೆ ಪತ್ನಿ, ಪುತ್ರ-, ಪುತ್ರಿ ಇದ್ದಾರೆ.