ಮುದ್ದಣ ಕಾವ್ಯ ಪ್ರಶಸ್ತಿಗೆ ಆಹ್ವಾನ

ಮೂಡುಬಿದಿರೆ:  ಮೂವತ್ತನಾಲ್ಕು ವರ್ಷಗಳಿಂದ ಮುದ್ದಣ ಕಾವ್ಯ ಪ್ರಶಸ್ತಿ ನೀಡುತ್ತಾ ಬಂದಿರುವ ಕಾಂತಾವರ ಕನ್ನಡ ಸಂಘವು 2013ರ ಸಾಲಿನ ಕಾವ್ಯ ಪ್ರಶಸ್ತಿಗಾಗಿ ಮುದ್ರಣಕ್ಕೆ ಸಿದ್ಧವಾಗಿರುವ ಕವನ ಸಂಗ್ರಹಗಳ ಹಸ್ತಪ್ರತಿಗಳನ್ನು ಆಹ್ವಾನಿಸಿದೆ.ಪ್ರಶಸ್ತಿಯು ಹತ್ತು ಸಾವಿರ ರೂಪಾಯಿ ನಗದು ಮತ್ತು ಪ್ರಶಸ್ತಿ ಪತ್ರ ಒಳಗೊಂಡಿದೆ. ಆಸಕ್ತರು ಸ್ಪರ್ಧೆಯ ವಿವರಗಳಿಗೆ ನಿರ್ದಿಷ್ಟ ಮೊತ್ತದ ಅಂಚೆ ಚೀಟಿ ಹಚ್ಚಿದ ಸ್ವವಿಳಾಸ ಇರುವಲಕೋಟೆಯನ್ನು ಅಧ್ಯಕ್ಷರು, ಕಾಂತಾವರ ಕನ್ನಡ ಸಂಘ (ರಿ), ಅಂಚೆ ಕಾಂತಾವರ -574129, ಉಡುಪಿ ಜಿಲ್ಲೆ ಇವರಿಗೆ ಜುಲೈ 30ರೊಳಗೆ ತಲುಪುವಂತೆ ಕಳುಹಿಸಿಕೊಡಬೇಕು. ಹಸ್ತಪ್ರತಿ ಸ್ವೀಕರಿಸಲು ಕಡೇ ದಿನಾಂಕ ಆಗಸ್ಟ್ 15.  ಮಾಹಿತಿಗೆ 90089 78366.