ಮೆಟ್ರೊ: ಕನ್ನಡಿಗ ನೌಕರರಿಗೆ ಕಿರುಕುಳ

‘ಚಾಕೊಲೆಟ್ ಮೂಲಕ ಮಾದಕ ವ್ಯಸನಿಗಳನ್ನಾಗಿ ಮಾಡುವ ಜಾಲ’

ಬೆಳಗಾವಿ: ಶಾಲಾ ಮಕ್ಕಳ ಕೈಗೆ ಕಡಿಮೆ ಪ್ರಮಾಣದಲ್ಲಿ ಮಾದಕ ಪದಾರ್ಥ ಇರುವ ಚಾಕೊಲೆಟ್ ನೀಡಿ, ಕ್ರಮೇಣ ಅವರನ್ನು ಮಾದಕ ವ್ಯಸನಿಗಳನ್ನಾಗಿ ಮಾಡುವಂತಹ ಜಾಲ ಬೆಂಗಳೂರಿನಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂದು ಗೃಹ ಸಚಿವ ಜಿ.ಪರಮೇಶ್ವರ್ ಹೇಳಿದರು.
 

ವಿಧಾನ ಪರಿಷತ್ತಿನಲ್ಲಿ ಬಿಜೆಪಿ ಸದಸ್ಯೆ ತಾರಾ ಅನೂರಾಧ ಅವರು, ಅಕ್ರಮ ವಲಸಿಗರ ಬಗ್ಗೆ ಕೇಳಿದ ಪ್ರಶ್ನೆಗೆ ಪರಮೇಶ್ವರ್ ಉತ್ತರಿಸಿದರು.
 

ವಿದೇಶಿ ಪ್ರಜೆಗಳು ವಿದ್ಯಾಭ್ಯಾಸ ನೆಪದಲ್ಲಿ ಹಿಂದೆಲ್ಲಾ ಒಬ್ಬರೇ ಬರುತ್ತಿದ್ದರು. ಆದರೀಗ ಪತಿ, ಪತ್ನಿ ಇಬ್ಬರೂ ಯಾವುದೋ ಡಿಪ್ಲೊಮಾ ಕೋರ್ಸ್ ಗೆ ಪ್ರವೇಶ ಪಡೆದು ಇಲ್ಲಿಗೆ ಬರುತ್ತಾರೆ. ಜೊತೆಗೆ ತಮ್ಮ ಮಕ್ಕಳನ್ನೂ ಕರೆತರುತ್ತಾರೆ. ಪ್ರಮುಖ ಶಾಲೆಗಳಲ್ಲಿ ಆ ಮಕ್ಕಳಿಗೆ ಪ್ರವೇಶ ಪಡೆಯುತ್ತಾರೆ. ತಮ್ಮ ಮಕ್ಕಳ ಮೂಲಕ ಅಲ್ಲಿನ ಶಾಲಾ ಮಕ್ಕಳಿಗೆ ಮಾದಕ ಪದಾರ್ಥ ಇರುವ ಚಾಕೊಲೆಟ್ ನೀಡುತ್ತಾರೆ. ಇದು ಈಗ ಹೊಸ ಪದ್ಧತಿ ಆರಂಭವಾಗಿದೆ ಎಂದರು.
 

ಶಾಲಾ ಮಕ್ಕಳು ಕ್ರಮೇಣ ಇದೇ ಚಾಕೊಲೆಟ್ ಬಯಸುತ್ತಾರೆ. ಬೆಳವಣಿಗೆ ಆದಂತೆಲ್ಲಾ ಮಾದಕ ವಸ್ತುಗಳು ಇಲ್ಲದೆ ಜೀವನವೇ ಇಲ್ಲ ಎಂಬ ಸ್ಥಿತಿಗೆ ತಲುಪುತ್ತಾರೆ. ಇದನ್ನು ತಡೆಗಟ್ಟುವುದು ಸವಾಲು ಆಗಿದೆ ಎಂದು ಹೇಳಿದರು. 
 

ಕೋರ್ಸ್ ಅವಧಿ ಮುಗಿದರೂ ಸಹ ತಮ್ಮ  ದೇಶದ ರಾಯಭಾರಿ ಕಚೇರಿ ಮೇಲೆ ಪ್ರಭಾವ ಬೀರಿ ವೀಸಾ ಅವಧಿಯನ್ನು ವಿಸ್ತರಿಸಿಕೊಳ್ಳುತ್ತಾರೆ ಎಂದು ವಿವರಿಸಿದರು. 

ಸದ್ಯ ಬಾಂಗ್ಲಾ ದೇಶದ 283 ಮತ್ತು ನೈಜೀರಿಯಾದ ಇಬ್ಬರು ಪ್ರಜೆಗಳು ಬೆಂಗಳೂರಿನಲ್ಲಿ ಅಕ್ರಮವಾಗಿ ನೆಲೆಸಿರುವುದು ಪತ್ತೆ ಹಚ್ಚಲಾಗಿದೆ. ಅಕ್ರಮ ವಲಸಿಗರನ್ನು ತಡೆಗಟ್ಟಲು ವಿಶೇಷ ಕಾರ್ಯಪಡೆ ರಚಿಸಲಾಗಿದೆ.  ಅಲ್ಲದೆ, ಪ್ರತಿ ಪೊಲೀಸ್ ಠಾಣೆಗೂ ಸೂಚನೆ ನೀಡಲಾಗಿದ್ದು, ಆ ಠಾಣೆ ವ್ಯಾಪ್ತಿಯಲ್ಲಿ ನೆಲೆಸಿರುವ ವಲಸಿಗರ ಮೇಲೆ ನಿಗಾ ವಹಿಸುವಂತೆ ಸೂಚಿಸಲಾಗಿದೆ ಎಂದು ಪರಮೇಶ್ವರ್ ಹೇಳಿದರು.

ಯಾವುದೇ ರೀತಿಯ ಕಿರುಕುಳ ನಡೆದರೂ ದೂರು ನೀಡಲು ಸಮಿತಿ ಇದೆ. ಉದ್ಯೋಗಿಗಳು ಆನ್ ಲೈನ್ ವ್ಯವಸ್ಥೆ ಮೂಲಕವೂ ದೂರು ಸಲ್ಲಿಸಬಹುದು.

-ಕೆ.ಜೆ. ಜಾರ್ಜ್,

ಬೆಂಗಳೂರು ಅಭಿವೃದ್ಧಿ ಸಚಿವ