10ರ ಒಳಗೆ 15 ಜೆಡಿಎಸ್‌ ಅಭ್ಯರ್ಥಿಗಳ ಪಟ್ಟಿ: ಕೃಷ್ಣಪ್ಪ

ಹುಬ್ಬಳ್ಳಿ: ಲೋಕಸಭಾ ಚುನಾವಣೆಗೆ ಸ್ಪರ್ಧಿಸುವ 15 ಅಭ್ಯರ್ಥಿಗಳ ಪಟ್ಟಿ­ಯನ್ನು ಇದೇ 10ರ ಒಳಗಾಗಿ ಬಿಡುಗಡೆ  ಮಾಡಲಾಗುವುದು ಎಂದು ಜೆಡಿಎಸ್‌ ರಾಜ್ಯ ಘಟಕದ ಅಧ್ಯಕ್ಷ ಎ.ಕೃಷ್ಣಪ್ಪ ಭಾನುವಾರ ಇಲ್ಲಿ ತಿಳಿಸಿದರು.

‘28 ಕ್ಷೇತ್ರಗಳಲ್ಲಿಯೂ ಅಭ್ಯರ್ಥಿ­ಗಳನ್ನು ಕಣಕ್ಕೆ ಇಳಿಸುವ ನಿಟ್ಟಿನಲ್ಲಿ ಸಿದ್ಧತೆ ನಡೆದಿದೆ. ತೃತೀಯ ರಂಗ ರಚನೆ ಕುರಿ­ತಂತೆ ಸ್ಪಷ್ಟ ಚಿತ್ರಣ ದೊರಕಿದರೆ ಸಂದ­ರ್ಭ­ಕ್ಕೆ ಅನುಗುಣವಾಗಿ ಹೊಂದಾ­­ಣಿಕೆ ಮಾಡಿಕೊಳ್ಳಲಾಗುವುದು.

ಧಾರವಾಡದಿಂದ ಸ್ಪರ್ಧಿಸಲು 6 ಜನ ಆಕಾಂಕ್ಷಿಗಳಿದ್ದು, ಇನ್ನೂ ಅಂತಿಮ ನಿರ್ಧಾರ ತೆಗೆದುಕೊಂಡಿಲ್ಲ’ ಎಂದು ಸ್ಪಷ್ಟಪಡಿಸಿದರು.