ಪಶು ಇಲಾಖೆಯಲ್ಲಿ ಶೇ 52ರಷ್ಟು ಹುದ್ದೆ ಖಾಲಿ; ಸಚಿವ ಪ್ರಭು ಚವಾಣ್‌

ಮೈಸೂರು: ಪಶುಪಾಲನೆ ಮತ್ತು ಪಶು ವೈದ್ಯಕೀಯ ಸೇವಾ ಇಲಾಖೆಯಲ್ಲಿ ಶೇ 52ರಷ್ಟು ಹುದ್ದೆಗಳು ಖಾಲಿ ಇವೆ ಎಂದು ಪಶುಸಂಗೋಪನಾ ಸಚಿವ ಪ್ರಭು ಚವಾಣ್‌ಬುಧವಾರಇಲ್ಲಿತಿಳಿಸಿದರು.

‘ಈವಿಚಾರವಾಗಿಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಜತೆ ಮಾತುಕತೆ ನಡೆಸಲಾಗಿದೆ. ಪ್ರತಿ ವರ್ಷ ಖಾಲಿ ಹುದ್ದೆಭರ್ತಿ ಮಾಡುವ ಪ್ರಯತ್ನ ನಡೆಸಲಾಗುವುದು’ ಎಂದರು.

‘ಪಶು ಸಂಜೀವಿನಿ ಯೋಜನೆಯಡಿ ಪಶು ಚಿಕಿತ್ಸಾ ಆಂಬುಲೆನ್ಸ್‌ಗಳನ್ನು15 ಜಿಲ್ಲೆಗಳಿಗೆ ನೀಡಲಾಗಿದೆ. ಎಲ್ಲ ಜಿಲ್ಲೆಗಳಲ್ಲೂ ಪ್ರಾಣಿಗಳ ಚಿಕಿತ್ಸೆಗಾಗಿ ಹೈಟೆಕ್ ಪಾಲಿಕ್ಲಿನಿಕ್ ತೆರೆಯಲಾಗುವುದು’ಎಂದು ಹೇಳಿದರು.