ನಿರ್ವಾಹಕಿಯಿಂದ ಮಹಿಳಾ ಕಾನ್‌ಸ್ಟೆಬಲ್‌ಗೆ ಹಲ್ಲೆ
ವಿಟ್ಲ: ಕ್ಷುಲ್ಲಕ ಕಾರಣಕ್ಕೆ ಕೆಎಸ್‍ಆರ್‍ಟಿಸಿ ರಾಜಹಂಸ ಬಸ್ಸಿನ ನಿರ್ವಾಹಕಿ ಭಾನುವಾರ ರಾತ್ರಿ ವಿಟ್ಲ ಪೊಲೀಸ್ ಠಾಣೆಯ ಮಹಿಳಾ ಕಾನ್‍ಸ್ಟೆಬಲ್ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ಕುರಿತು ಪ್ರಕರಣ ದಾಖಲಾಗಿದೆ.
ಮಹಿಳಾ ಕಾನ್‍ಸ್ಟೆಬಲ್ ಅರ್ಪಿತಾ ಗಾಯಗೊಂಡಿದ್ದು, ಇಲ್ಲಿನ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಹಾಸನ ಜಿಲ್ಲೆಯ ಬೇಲೂರು ನಿವಾಸಿ, ಬಿ.ಸಿ.ರೋಡ್ ಕೆಎಸ್‍ಆರ್‍ಟಿಸಿ ಬಸ್ ಡಿಪೋದ ಬಸ್ ನಿರ್ವಾಹಕಿ ಪುಷ್ಪಾ ಅವರು ಹಲ್ಲೆ ನಡೆಸಿದವರು.
ಅಳಿಕೆಯಿಂದ ಬೆಂಗಳೂರಿಗೆ ತೆರಳುವ ಕೆಎಸ್‍ಆರ್‍ಟಿಸಿ ರಾಜಹಂಸ ಬಸ್‍ನಲ್ಲಿ ವಿಟ್ಲ ಠಾಣೆಯ ಮಹಿಳಾ ಕಾನ್‍ಸ್ಟೆಬಲ್‍ಗಳಾದ ಅರ್ಪಿತಾ ಮತ್ತು ಸುಪ್ರೀತಾ ‘ಬಸ್ ವಾರಂಟ್‍’ನಲ್ಲಿ ಬೆಂಗಳೂರಿಗೆ ತೆರಳಬೇಕಾಗಿತ್ತು. ಅಳಿಕೆ ಸಂಸ್ಥೆಗೆ ನೀಡಬೇಕಾದ ಎರಡು ಆಸನಗಳು ಖಾಲಿಯಾಗಿದ್ದವು. ಅದನ್ನು ಖಚಿತಪಡಿಸಿಕೊಂಡು ಬಸ್ ಏರಿದ ಇವರಿಗೆ ನಿರ್ವಾಹಕಿ ಪುಷ್ಪಾ ಸೀಟ್ ನೀಡಲಾಗುವುದಿಲ್ಲ ಎಂದು ಹೇಳಿದ್ದಾರೆ ಎಂದು ದೂರಲಾಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.