ಕರೀಂ ಲಾಲಾ ಪತ್ನಿ, ಪುತ್ರಿ ಮೇಲೆ ಸಂಬಂಧಿಕರಿಂದ ಹಲ್ಲೆ- ಪ್ರಕರಣ ದಾಖಲು

ಖಾನಾಪುರ: ಇತ್ತೀಚೆಗೆ ನಿಧನ ಹೊಂದಿದ, ಬಹುಕೋಟಿ ನಕಲಿ ಛಾಪಾ ಹಗರಣದ ರೂವಾರಿ ಕರೀಂ ಲಾಲಾ ತೆಲಗಿ ಅವರ ಪತ್ನಿ ಶಾಹಿದಾ ಹಾಗೂ ಪುತ್ರಿ ಸನಾ ತಾಳಿಕೋಟಿ ಮೇಲೆ ಸಂಬಂಧಿಕರು ಹಲ್ಲೆ ನಡೆಸಿದ್ದಾಗಿ ಬುಧವಾರ ಪೊಲೀಸರಿಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.

‘ಆಸ್ತಿ ವಿವಾದಕ್ಕೆ ಸಂಬಂಧಿಸಿದಂತೆ ಕರೀಂ ಅವರ ಸೋದರ ಸಂಬಂಧಿಗಳಾದ ತಬರೇಜ, ಪರ್ವೇಜ್‌, ಇಸ್ತಿಯಾಕ್‌, ಇನಾಯತ್‌, ಹೀನಾ, ಸಮರೀನ್, ಅಲಮೀನ್, ಶೋಯಬ್, ಫಜಿಲನ್ ಮತ್ತು ರೇಹಾನ ಭಾನುವಾರ ಸಂಜೆ ನಮ್ಮ ಮನೆಗೆ ಬಂದು ಹಲ್ಲೆ ಮಾಡಿದ್ದಾರೆ’ ಎಂದು ಸನಾ ತಾಳಿಕೋಟಿ ಇಲ್ಲಿನ ಪೊಲೀಸರಿಗೆ ಕೊಟ್ಟಿರುವ ದೂರಿನಲ್ಲಿ ತಿಳಿಸಿದ್ದಾರೆ.

ಕರೀಂ ಲಾಲಾ ಅಂತ್ಯಕ್ರಿಯೆ ಸಂದರ್ಭದಲ್ಲಿಯೂ ಸಂಬಂಧಿಕರು ಹಾಗೂ ಶಾಹಿದಾ. ಸನಾ ಅವರ ನಡುವೆ ಗಲಾಟೆಯಾಗಿತ್ತು.