ಮಂಗಳೂರು: ದೇಶದಲ್ಲೇ ದಿನದ ಗರಿಷ್ಠ ತಾಪಮಾನವು ಮಂಗಳವಾರ ನಗರದಲ್ಲಿ 37.3 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.
ಕಳೆದ ಕೆಲವು ದಿನಗಳಿಂದ ಕರಾವಳಿಯಲ್ಲಿ ದೇಶದ ಇತರೆಡೆಗಿಂತ ಗರಿಷ್ಠ ತಾಪಮಾನ ದಾಖಲಾಗುತ್ತಿದ್ದು, ಸೋಮವಾರ ನಗರದ ಬಜ್ಪೆಯಲ್ಲಿ ದಾಖಲಾದ 34.8 ಡಿ.ಸೆ.ದೇಶದಲ್ಲೇ ದಿನದ ಗರಿಷ್ಠ ತಾಪಮಾನವಾಗಿತ್ತು.
ಉತ್ತರ ಭಾರತದ ರಾಜಸ್ತಾನ ಮತ್ತಿತರೆಡೆಗಳಲ್ಲಿ ಚಳಿ ಹಾಗೂ ಈಶಾನ್ಯ ರಾಜ್ಯಗಳಲ್ಲಿ ಅಲ್ಲಲ್ಲಿ ಮಂಜು ಕವಿಯುತ್ತಿದೆ. ತಮಿಳುನಾಡು ತೀರದ ಅಲ್ಲಲ್ಲಿ ಮೋಡ ಕವಿದು, ತುಂತುರು ಮಳೆಯಾಗುತ್ತಿದೆ. ಆದರೆ, ಮಂಗಳೂರಿನ ತಾಪಮಾನವು ದೇಶದಲ್ಲೇ ಗರಿಷ್ಠವಾಗಿದೆ.
ಮಂಗಳವಾರ ದೇಶದಲ್ಲೇ ದಿನದ ಕನಿಷ್ಠ ತಾಪಮಾನವು ಹರಿಯಾಣದ ನರ್ನೌಲ್ನಲ್ಲಿ 2.5 ಡಿಗ್ರಿ ಸೆಲ್ಸಿಯಸ್ ದಾಖಲಾದರೆ, ಮಂಗಳೂರಿನಲ್ಲಿ ಕನಿಷ್ಠ ತಾಪಮಾನ 22.2 ಡಿಗ್ರಿ ಸೆಲ್ಸಿಯಸ್ ಇತ್ತು ಎಂದು ಭಾರತೀಯ ಹವಾಮಾನ ಇಲಾಖಾ ವರದಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.