ಬೆಂಗಳೂರು: ಉಕ್ಕಿನ ಮಹಿಳೆ ಎಂದೇ ಜನಪ್ರಿಯವಾಗಿರುವ, ಮಣಿಪುರದ ಮಾನವಹಕ್ಕು ಹೋರಾಟಗಾರ್ತಿಇರೋಮ್ ಚಾನು ಶರ್ಮಿಳಾ ವಿಶ್ವತಾಯಂದಿರ ದಿನವಾದ ಭಾನುವಾರನಗರದ ಮಲ್ಲೇಶ್ವರದ ಕ್ಲೌಡ್ನೈನ್ ಆಸ್ಪತ್ರೆಯಲ್ಲಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ.
‘ಇರೋಮ್ ಅವರು ಗರ್ಭಿಣಿ ಆದಾಗಿನಿಂದಲೂ ಪತಿಯೊಂದಿಗೆ ಬೆಂಗಳೂರಿನಲ್ಲೇ ನೆಲೆಸಿದ್ದಾರೆ. ಅವರ ಆರೋಗ್ಯದ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಹೊಂದಿದ್ದೆವು. ಅವರು ತಾಯಂದಿರ ದಿನದಂದೇ ಅವಳಿ ಮಕ್ಕಳಿಗೆ ಜನ್ಮ ನೀಡಿರುವುದು ವಿಶೇಷ. ಮಕ್ಕಳು ತಲಾ 2.14 ಕೆ.ಜಿ. ತೂಕ ಹೊಂದಿದ್ದು, ಆರೋಗ್ಯದಿಂದ್ದಾರೆ’ ಎಂದು ಸ್ತ್ರೀರೋಗ ತಜ್ಞೆ ಡಾ. ಶ್ರೀಪ್ರದಾ ವೀಣೇಕರ್ ತಿಳಿಸಿದರು.
47 ವರ್ಷದ ಇರೋಮ್, ಸಶಸ್ತ್ರಪಡೆ ವಿಶೇಷಾಧಿಕಾರ ಕಾಯ್ದೆಯ ವಿರುದ್ಧ 16 ವರ್ಷ ಉಪವಾಸ ಸತ್ಯಾಗ್ರಹ ನಡೆಸಿದ್ದರು. ಉಪವಾಸ ಕೊನೆಗೊಳಿಸಿದ ಬಳಿಕ 2017ರಲ್ಲಿ ಬಹುಕಾಲದ ಗೆಳೆಯ ಹಾಗೂ ಬ್ರಿಟಿಷ್ ಪ್ರಜೆ ಡೆಸ್ಮೆಂಡ್ ಕುಟಿನ್ಹೊ ಅವರನ್ನು ವಿಶೇಷ ವಿವಾಹ ಕಾಯ್ದೆಯಡಿ ಮದುವೆಯಾಗಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.