ಮಹಿಳೆ ಸಾವು: ಎಚ್1ಎನ್1 ಶಂಕೆ

ಕೆ.ಆರ್.ಪೇಟೆ: ಪಟ್ಟಣದ ತೊಗಟವೀರ ಸಮಾಜದ ಮುಖಂಡ ಉದ್ಯಮಿ ಕೆ.ಎನ್.ಕುಮಾರ್ ಪತ್ನಿ ರತ್ನಮ್ಮ ತೀವ್ರ ಜ್ವರದಿಂದ ಮೃತಪಟ್ಟಿದ್ದಾರೆ. ಎಚ್1ಎನ್1ನಿಂದ ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ.

ತುಮಕೂರಿನ ತವರು ಮನೆಗೆ ಹೋಗಿ ಬಂದ ನಂತರ ಜ್ವರದಿಂದ ಬಳಲುತ್ತಿದ್ದರು. ಮೈಸೂರಿನ ಕೆ.ಆರ್.ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ, ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲದ ಕಸ್ತೂರಬಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆಗೆ ಸ್ಪಂದಿಸದೆ ಮಂಗಳವಾರ ರಾತ್ರಿ ಕೊನೆಯುಸಿರೆಳೆದರು.‌