ದಿವಂಗತ ವಿ.ಎಚ್.ಪಟೇಲ್ ಅವರ ಪತ್ನಿ ಪ್ರಭಾ ವಾಗೀಶ್ ಪಟೇಲ್ ನಿಧನ

ತ್ಯಾವಣಿಗೆ: ಮಾಜಿ ಮುಖ್ಯಮಂತ್ರಿ ದಿವಂಗತ ಜೆ. ಎಚ್. ಪಟೇಲ್ ಅವರ ಸಹೋದರ ದಿವಂಗತ ವಿ.ಎಚ್.ಪಟೇಲ್ ಅವರ ಪತ್ನಿ ಪ್ರಭಾ ವಾಗೀಶ್ ಪಟೇಲ್ (74) ಹೃದಯಾಘಾತದಿಂದ ಶುಕ್ರವಾರ ಬೆಳಿಗ್ಗೆ ನಿಧನರಾದರು.

ಅವರಿಗೆ ರೈತ ಮುಖಂಡ ತೇಜಸ್ವಿ ಪಟೇಲ್, ಪುತ್ರಿ ಶುಭಾ ವಿ. ಪಟೇಲ್ ಇದ್ದಾರೆ. ಶುಭಾ ವಿ. ಪಟೇಲ್ ಅವರ ದಾವಣಗೆರೆ ನಿವಾಸದಲ್ಲಿ ಪ್ರಭಾ ನಿಧನರಾಗಿದ್ದಾರೆ. ಕಾರಿಗನೂರಿನಲ್ಲಿ ಜೆ.ಎಚ್. ಪಟೇಲ್ ಸಮಾಧಿಯ ಸಮೀಪವಿರುವ ವಿ.ಎಚ್. ಪಟೇಲ್ ಸಮಾಧಿಯ ಬಳಿ ಶುಕ್ರವಾರ ಸಂಜೆ ಅಂತ್ಯಕ್ರಿಯೆ ನೇರವೇರಿತು.