ಖಾನಾಪುರ: ರೈಲು ಡಿಕ್ಕಿ, 2 ಕಾಡುಕೋಣ ಸಾವು

ಖಾನಾಪುರ: ತಾಲ್ಲೂಕಿನ ಲೋಂಡಾ-ಬೆಳಗಾವಿ ರೈಲು ಮಾರ್ಗದಲ್ಲಿ ಗುಂಜಿ ಅರಣ್ಯ ಪ್ರದೇಶ ವ್ಯಾಪ್ತಿಯಲ್ಲಿ ಚಲಿಸುತ್ತಿದ್ದ ರೈಲಿಗೆ ಸಿಲುಕಿ ಎರಡು ಕಾಡುಕೋಣಗಳು ಸಾವಿಗೀಡಾಗಿವೆ.

ಅವು ಹಳಿಯಲ್ಲಿ ನಿಂತಿದ್ದವು ಎಂದು ತಿಳಿದುಬಂದಿದೆ. ಹಳಿಗಳ ಪಕ್ಕದಲ್ಲಿ ಕಳೇಬರಗಳು ಬಿದ್ದಿರುವುದನ್ನು ಗುರುತಿಸಲಾಗಿದೆ.

ಸ್ಥಳಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

‘ಬುಧವಾರ ರಾತ್ರಿ ಈ ಘಟನೆ ನಡೆದಿದೆ. ಮರಣೋತ್ತರ ಪರೀಕ್ಷಾ ವರದಿ ಶುಕ್ರವಾರ ಸಿಗಲಿದೆ’ ಎಂದು ಡಿಎಫ್‌ಒ ಅಮರನಾಥ್‌ ಖಚಿತಪಡಿಸಿದರು.