ಪ್ರಜಾವಾಣಿ 25 ವರ್ಷಗಳ ಹಿಂದೆ| ಬುಧವಾರ ಸೆಪ್ಟೆಂಬರ್‌ 13, 1995

ಹಿಮಾಚಲ:ಭೂಮಿಕುಸಿದು 70 ಮಂದಿ ಸಜೀವ ಸಮಾಧಿ

ಶಿಮ್ಲಾ, ಸೆ.12– ಹಿಮಾಚಲ ಪ್ರದೇಶದ ಕುಲು ಪಟ್ಟಣದ ಪೊಲೀಸ್‌ ವಸತಿ ಗೃಹಗಳ ಸಮೀಪ ಇಂದು ಮುಂಜಾನೆ ಉಂಟಾದ ಭಾರಿ ಪ್ರಮಾಣದ ಭೂ ಕುಸಿತದಲ್ಲಿ ರಸ್ತೆ ಕಾರ್ಮಿಕರು ಮತ್ತು ಕೂಲಿಯಾಳುಗಳು ಸೇರಿದಂತೆ ಸುಮಾರು 70 ಜನ ಸಜೀವ ಸಮಾಧಿಯಾದರು.

ಬಿಯಾಸ್‌ ನದಿಯ ಎಡದಂಡೆಯಲ್ಲಿ ಕಾರ್ಮಿಕರು ಬೆಳಿಗ್ಗೆ ಸುಮಾರು 10 ಗಂಟೆ ಹೊತ್ತಿಗೆ ರಸ್ತೆ ಕಾಮಗಾರಿಯಲ್ಲಿ ತೊಡಗಿದ್ದಾಗ ಭೂ ಕುಸಿತ ಸಂಭವಿಸಿತು.