ಇಂದ್ರಾ ಸಂಬಳ ರೂ 113 ಕೋಟಿ !

ನ್ಯೂಯಾರ್ಕ್ (ಪಿಟಿಐ): ಇಲ್ಲಿಯ ಪೆಪ್ಸಿ ಕಂಪೆನಿಯ ಮುಖ್ಯಸ್ಥೆ ಭಾರತ ಮೂಲದ ಇಂದ್ರಾ ನೂಯಿ ಒಂದು ವರ್ಷ­ದಲ್ಲಿ ಪಡೆದ ಸಂಬಳ ಎಷ್ಟು ಗೊತ್ತೆ ?, ಬರೊಬ್ಬರಿ ರೂ 113 ಕೋಟಿ.

2013ರಲ್ಲಿ ಇಂದ್ರಾ ಈ ದಾಖಲೆ ಸಂಬಳ ಪಡೆದಿದ್ದು, ಹಿಂದಿನ ವರ್ಷಕ್ಕೆ ಹೋಲಿಸಿದಲ್ಲಿ ಇದು ಶೇ 7ರಷ್ಟು ಹೆಚ್ಚಳವಾಗಿದೆ. ತಂಪು ಪಾನೀಯ ಉತ್ಪಾದನೆಯಲ್ಲಿ ವಿಶ್ವದಲ್ಲಿ ಹೆಸರು­ಮಾಡಿರುವ ಈ ಕಂಪೆನಿ, ಇಂದ್ರಾ ಅವರಿಗೆ ಸಂಬಳದ ಜತೆಗೆ ಅಸಾಮಾನ್ಯ ಸಾಧನೆಗಾಗಿ ವಿಶೇಷ ಪ್ರೋತ್ಸಾಹ ಧನ, ನಗದು ಬಹುಮಾನಗಳನ್ನೂ ನೀಡಿದೆ. 58 ವರ್ಷದ ಇಂದ್ರಾ ಕಳೆದ 2006 ರಿಂದ ಪೆಪ್ಸಿ ಕಂಪೆನಿಯ ಮುಖ್ಯ ಕಾರ್ಯನಿರ್ವಾಹಕಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.