ಗೂಗಲ್‌ನ ಈ ಕಾರಿಗೆ ಚಾಲಕನೇ ಬೇಡ

ಕ್ಯಾಲಿಫೋರ್ನಿಯಾ: ಗೂಗಲ್‌ ಸಂಸ್ಥೆಯು ಚಾಲಕರಹಿತ ಕಾರಿನ ಮಾದರಿಯನ್ನು ಅನಾವರಣಗೊಳಿಸಿದೆ. ಇನ್ನೊಂದು ವರ್ಷದಲ್ಲಿ ಈ ವಾಹನ ರಸ್ತೆಯಲ್ಲಿ ಓಡಾಡಲಿದೆ ಎಂದು ಗೂಗಲ್‌ ಹೇಳಿದೆ.

ನಿಲ್ಲು/ಹೋಗು (ಸ್ಟಾಪ್‌/ಗೊ) ಗುಂಡಿಗಳನ್ನು ಮಾತ್ರ ಹೊಂದಿರುವ ಕಾರು ತಾಸಿಗೆ ಸುಮಾರು 40 ಕಿಲೋಮೀಟರ್‌ ವೇಗದಲ್ಲಿ ಸಾಗುವ ಸಾಮರ್ಥ್ಯ ಹೊಂದಿದೆ ಎಂದು ಮಾದರಿ ಬಿಡುಗಡೆ ಮಾಡಿದ ಗೂಗಲ್‌ ಸಹ ಸಂಸ್ಥಾಪಕ ಸರ್ಗೆ ಬ್ರಿನ್‌ ತಿಳಿಸಿದರು.

ಮನುಷ್ಯನ ಯಾವುದೇ ಹಸ್ತಕ್ಷೇಪ ಇಲ್ಲದೆ ಕಾರ್ಯನಿರ್ವಹಿಸುವಂತೆ ಕಾರನ್ನು ವಿನ್ಯಾಸಗೊಳಿಸಲಾಗಿದೆ. ಈ ಕಾರಿನಲ್ಲಿ ಅಕ್ಸಲರೇಟರ್‌, ಸ್ಟಿಯರಿಂಗ್‌ ಇತ್ಯಾದಿ ಯಾವುದೂ ಇರುವುದಿಲ್ಲ. ಕಾರಿನಲ್ಲಿ ಅಳವಡಿಸಲಾಗಿರುವ ಸಾಫ್ಟ್‌ವೇರ್‌ ಮತ್ತು ಸೆನ್ಸರ್‌ಗಳೇ ಚಾಲನೆಗೆ ಸಂಬಂಧಿಸಿದ ಎಲ್ಲ ಕೆಲಸಗಳನ್ನು ನಿರ್ವಹಿಸಲಿವೆ ಎಂದು ಯೋಜನೆ ನಿರ್ದೇಶಕ ಕ್ರಿಸ್‌ ಉರ್ಮ್‌ಸನ್‌ ಹೇಳಿದ್ದಾರೆ.