ಜಪಾನ್: ಪೆಸಿಫಿಕ್ ಸಾಗರಕ್ಕೆ ಪುಕುಶಿಮಾ ವಿಕಿರಣ ಸೋರಿಕೆ?

ಟೊಕಿಯೊ (ಎಎಫ್‌ಪಿ): ಸುನಾಮಿಯಿಂದ ಹಾನಿಗೀಡಾದ ಪುಕುಶಿಮಾ ಪರಮಾಣು ಸ್ಥಾವರದಿಂದ ಫೆಸಿಪಿಕ್ ಸಾಗರಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ವಿಕಿರಣಶೀಲ ವಸ್ತು ಸೋರಿಕೆಯಾಗುತ್ತಿದೆ ಎಂದು ಜಪಾನ್ ಪರಮಾಣು ಕಾವಲು ಸಮಿತಿ ಬುಧವಾರ ಶಂಕೆ ವ್ಯಕ್ತಪಡಿಸಿದೆ.

ಈ ಕುರಿತು ದನಿ ಎತ್ತಿರುವ ಪರಮಾಣು ನಿಯಂತ್ರಣ ಪ್ರಾಧಿಕಾರದ ಸದಸ್ಯರು, ಸ್ಥಾವರದ ಪ್ರದೇಶದ ಅಂತರ್ಜಲದಲ್ಲಿ ವಿಕಿರಣಶೀಲ ವಸ್ತುಗಳು ಸೋರಿಕೆಯಾಗುತ್ತಿರುವುದರ ಮೂಲವನ್ನು ಪತ್ತೆ ಹಚ್ಚುವಲ್ಲಿ ಟೊಕಿಯೊ ಎಲೆಕ್ಟ್ರಿಕ್ ಪವರ್ (ಟೆಪ್ಕೊ) ವಿಫಲವಾಗಿದೆ ಎಂದು ಹೇಳಿದ್ದಾರೆ.