ಟಿಬೆಟ್‌ನಲ್ಲಿ ಚೀನಾ ಸೇನೆಯ ಶಸ್ತ್ರಾಭ್ಯಾಸ

ಬೀಜಿಂಗ್‌: ಟಿಬೆಟ್‌ ವಲಯದಲ್ಲಿ ಚೀನಾ ಸೇನೆಯು ಶಸ್ತಾಸ್ತ್ರಗಳ ಅಭ್ಯಾಸ ನಡೆಸಿದ್ದು, ಗುಂಡಿನ ಮಳೆ ಹರಿದಿರುವುದಾಗಿ ಚೀನಾ ಮಾಧ್ಯಮ ವರದಿ ಮಾಡಿದೆ.

ಸಿಕ್ಕಿಂ ಪ್ರದೇಶದಲ್ಲಿ ಭಾರತ ಮತ್ತು ಚೀನಾ ನಡುವಿನ ಗಡಿ ವಿವಾದದ ನಡುವೆ ಟಿಬೆಟ್‌ನಲ್ಲಿ ಚೀನಾ 11 ಗಂಟೆಗಳ ಸಮರಾಭ್ಯಾಸ ನಡೆಸಿದೆ. ಜುಲೈ 14ರಂದು ಚೀನಾ ನೈಋತ್ಯ ಭಾಗದ 5,100 ಮೀಟರ್ ಎತ್ತರದ ಟಿಬೆಟ್‌ ಸ್ವಾಯತ್ತ ಪ್ರದೇಶದಲ್ಲಿ  ಪೀಪಲ್ಸ್‌ ಲಿಬರೇಷನ್‌ ಆರ್ಮಿ(ಪಿಎಲ್‌ಎ) ಶಸ್ತಾಸ್ತ್ರಗಳ ಅಭ್ಯಾಸ ನಡೆಸಿರುವುದಾಗಿ ಚೀನಾ ಸೆಂಟ್ರಲ್‌ ಟೆಲಿವಿಷನ್‌(ಸಿಸಿಟಿವಿ) ವರದಿ ಮಾಡಿದೆ.