ಟೆಕ್ಸಾಸ್ ಕಾಳ್ಗಿಚ್ಚು: 1300 ಮನೆಗಳ ನಾಶ

ವಾಷಿಂಗ್ಟನ್ (ಐಎಎನ್‌ಎಸ್): ಟೆಕ್ಸಾಸ್‌ನಲ್ಲಿ ಸಂಭವಿಸಿರುವ ಕಾಳ್ಗಿಚ್ಚಿಗೆ ಇದುವರೆಗೆ 1300 ಮನೆಗಳು ನಾಶವಾಗಿದ್ದು ಇಬ್ಬರು ವ್ಯಕ್ತಿಗಳು ಮೃತಪಟ್ಟಿದ್ದಾರೆ ಎಂದು ಕ್ಸಿನ್‌ಹುವಾ ಸುದ್ದಿಸಂಸ್ಥೆ ವರದಿ ಮಾಡಿದೆ.

ಬಾಸ್ಟ್ರೋಪ್ ಕೌಂಟಿಯಲ್ಲಿ ಮೂರು ದಿನಗಳಿಂದಲೂ ಕಾಳ್ಗಿಚ್ಚು ತನ್ನ ಕೆನ್ನಾಲಗೆಯನ್ನು ಚಾಚುತ್ತಲೇ ಇದೆ. ಒಣ ಹವೆ, ಬಲವಾದ ಗಾಳಿ ಹಾಗೂ ಭೀಕರ ಕ್ಷಾಮದಿಂದಾಗಿ ಟೆಕ್ಸಾಸ್ ಪ್ರಾಂತ್ಯದಲ್ಲಿ ಕಾಳ್ಗಿಚ್ಚು ಈ ವರ್ಷ ತನ್ನ ರುದ್ರನರ್ತನ ಮೆರೆಯುತ್ತಿದೆ.