ತುಟಿ ತಿಂದ ಪತಿರಾಯ!

ಸ್ಟಾಕ್‌ಹೋಂ (ಎಎಫ್‌ಪಿ): ಇಲ್ಲಿನ ಉಪನ್ಯಾಸಕನೊಬ್ಬ ಪತ್ನಿ ಮೇಲೆ ಅನುಮಾನಗೊಂಡು ಆಕೆಯ ತುಟಿ ಕತ್ತರಿಸಿ ತಿಂದು ಹಾಕಿದ್ದಾನೆ! ಈತ ಸ್ವೀಡನ್‌ನ ಪ್ರತಿಷ್ಠಿತ ಕರೊಲಿನ್‌ಸ್ಕಾ ಸಂಸ್ಥೆಯಲ್ಲಿ ಉಪನ್ಯಾಸಕ. ಪತ್ನಿ ಅನೈತಿಕ ಸಂಬಂಧ ಹೊಂದಿದ್ದಾಳೆ ಎಂದು ಅನುಮಾನಿಸಿ ಅವಳನ್ನು ಕುರೂಪಿಯಾಗಿಸಲು ಈ ಕೃತ್ಯ ಎಸಗಿದ್ದಾನೆ. ಅಲ್ಲದೆ ಮತ್ತೆ ಅವಳ ತುಟಿಯನ್ನು ಚಿಕಿತ್ಸೆ ಮೂಲಕ ಜೋಡಿಸಲು ಬರಬಾರದು ಎಂಬ ಉದ್ದೇಶದಿಂದ ತುಟಿಯನ್ನು ತಿಂದುಹಾಕಿದ್ದಾನೆ ಎಂದು ಮೂಲಗಳು ತಿಳಿಸಿವೆ.