ನ್ಯುಮೋನಿಯ, ಅತಿಸಾರದಿಂದ ಮಕ್ಕಳ ಸಾವು ಏರಿಕೆ: ಯುನಿಸೆಫ್

ವಿಶ್ವಸಂಸ್ಥೆ (ಎಎಫ್‌ಪಿ): ವಿಶ್ವದಾದ್ಯಂತ ಬಡ ಮಕ್ಕಳ ಸಾವಿಗೆ ನ್ಯುಮೋನಿಯ ಮತ್ತು ಅತಿಸಾರ ಪ್ರಮುಖ ಕಾರಣವಾಗಿವೆ ಎಂದು ವಿಶ್ವಸಂಸ್ಥೆಯ ಮಕ್ಕಳ ನಿಧಿ (ಯುನಿಸೆಫ್) ಶುಕ್ರವಾರ ತಿಳಿಸಿದೆ.

ಈ ಕಾಯಿಲೆಗಳಿಂದ ಪ್ರಪಂಚದಾದ್ಯಂತ ಅಸು ನೀಗುತ್ತಿರುವ ಮಕ್ಕಳಲ್ಲಿ ಅರ್ಧದಷ್ಟು ಪಾಲು ಕೇವಲ ಐದು ದೇಶಗಳದ್ದಾಗಿದ್ದು, ಅವುಗಳನ್ನು ಭಾರತ, ನೈಜಿರಿಯಾ, ಕಾಂಗೊ, ಪಾಕಿಸ್ತಾನ ಹಾಗೂ ಇಥಿಯೋಪಿಯಾ ಎಂದು ಗುರುತಿಸಲಾಗಿದೆ.

ಜಗತ್ತಿನಾದ್ಯಂತ ವಿವಿಧ ಕಾರಣಗಳಿಂದ ಸಾಯುತ್ತಿರುವ ಮಕ್ಕಳ ಪೈಕಿ ಶೇ 29ರಷ್ಟು ಮಕ್ಕಳು ಈ ಮಾರಕ ರೋಗಗಳಿಗೆ ಬಲಿಯಾಗುತ್ತಿದ್ದಾರೆ. ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸುವುದರಿಂದ ಮುಂದಿನ ದಿನಗಳಲ್ಲಿ ಈ ರೋಗಗಳಿಂದ ಸಾವಿನ ಪ್ರಮಾಣವನ್ನು ತಗ್ಗಿಸಬಹುದು ಎಂದು ವರದಿ ತಿಳಸುತ್ತದೆ.