ಭದ್ರತಾ ಸಂಬಂಧ ಚರ್ಚೆ

ವಾಷಿಂಗ್ಟನ್‌ (ಪಿಟಿಐ): ಜಂಟಿ ಸೇನಾ ತರಬೇತಿ ಕಾರ್ಯ-­ಕ್ರಮಗಳನ್ನು ಹಮ್ಮಿ­ಕೊ­ಳ್ಳುವುದರ ಮೂಲಕ ಭದ್ರತಾ ಕ್ಷೇತ್ರಕ್ಕೆ ಸಂಬಂಧಿಸಿದ ದ್ವಿಪಕ್ಷೀಯ ಸಂಬಂಧ ವೃದ್ಧಿಸುವ ಕುರಿತು ಭಾರ­ತೀಯ ಸೇನೆಯ ಮುಖ್ಯಸ್ಥ ಜನರಲ್‌ ಬಿಕ್ರಮ ಸಿಂಗ್‌ ಮತ್ತು ಅಮೆರಿಕ ಸೇನೆಯ ಹಿರಿಯ ಅಧಿಕಾ­ರಿಗಳು ಚರ್ಚೆ ನಡೆಸಿದರು.

ಅಮೆರಿಕಕ್ಕೆ ನಾಲ್ಕು ದಿನದ ಪ್ರವಾಸ ಕೈಗೊಂಡಿರುವ ಸಿಂಗ್‌ ಅಮೆರಿಕ ಸರ್ಕಾರದ ಹಿರಿಯ ಅಧಿಕಾರಿಗಳನ್ನೂ ಭೇಟಿ ಮಾಡಿದರು.
ಸೇನಾ ಸಹಕಾರ ಮತ್ತು ಅವಕಾಶಗಳ ಕುರಿತು ಸಿಂಗ್‌ ಮತ್ತು ಅಮೆರಿಕ ಸೇನೆಯ ಮುಖ್ಯಸ್ಥ ಜನರಲ್‌ ರಾಯ್‌ ಒಡಿಯೆರ್ನೊ ಮಾತುಕತೆ ನಡೆಸಿದರು.