ಭಾರತ–ಅಮೆರಿಕ ಸಂಬಂಧ ಬಲಿಷ್ಠ

ವಾಷಿಂಗ್ಟನ್‌ (ಪಿಟಿಐ): ಡೊನಾಲ್ಡ್‌ ಟ್ರಂಪ್‌ ಅವರ ಆಡಳಿತದಲ್ಲಿ ಭಾರತ ಮತ್ತು ಅಮೆರಿಕ ಸಂಬಂಧ ಮತ್ತಷ್ಟು ಬಲಿಷ್ಠವಾಗಲಿದೆ ಎಂದು ಶ್ವೇತ ಭವನ ತಿಳಿಸಿದೆ.

ಭದ್ರತಾ ವಿಷಯಗಳು, ವ್ಯಾಪಾರ, ಆರ್ಥಿಕತೆ ಹಾಗೂ ಭಯೋ ತ್ಪಾದನೆ ನಿಗ್ರಹ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಉಭಯ ದೇಶಗಳು ಉತ್ತಮ
ಸಂಬಂಧ ಹೊಂದಿವೆ ಎಂದು ಅದು ತಿಳಿಸಿದೆ.

ಭೂಕಂಪ: ಸತ್ತವರ ಸಂಖ್ಯೆ 530ಕ್ಕೆ ಏರಿಕೆ

ಸರ್ಪೊಲ್‌–ಇ– ಝಹಾಬ್‌ (ಇರಾನ್‌) (ಎಪಿ): ಇರಾನ್‌–ಇರಾಕ್‌ ಗಡಿಯಲ್ಲಿ ಭಾನುವಾರ ರಾತ್ರಿ ಸಂಭವಿಸಿದ ಪ್ರಬಲ ಭೂಕಂಪದಿಂದ ಸಾವಿಗೀಡಾದವರ ಸಂಖ್ಯೆ 530ಕ್ಕೆ ಏರಿದೆ. ಈ ಘಟನೆಯಲ್ಲಿ 7460 ಮಂದಿ ಗಾಯಗೊಂಡಿದ್ದಾರೆ.

ಸೇನೆಗೆ ಸೇರಿದ ಕಟ್ಟಡಗಳು ಕುಸಿದಿದ್ದು, ಹಲವು ಸೈನಿಕರು ಸಾವಿಗೀಡಾಗಿದ್ದಾರೆ.