ಮಹಿಳೆಯರಿಗೆ ಬಡ್ತಿ ಅವಕಾಶ ಕಡಿಮೆ!

ಜೆರುಸಲೇಂ/ಲಂಡನ್‌ (ಪಿಟಿಐ­): ಭಾರಿ ಒತ್ತಡ­ದಲ್ಲಿ ಕೆಲಸ ಮಾಡು­­ತ್ತಿರುವ ಉದ್ಯೋ­ಗಸ್ಥ ಮಹಿಳೆ­ಯ­ರಿಗೆ ಕೆಲಸಕ್ಕೆ ತಕ್ಕ ವೇತನ ದೊರೆಯುತ್ತಿಲ್ಲ!

ಕಡಿಮೆ ಸಂಬಳ ಮತ್ತು ಭಾರಿ ಒತ್ತಡ ಗಳ ಮಧ್ಯೆ ಹೆಚ್ಚು ಕೆಲಸ ಮಾಡುತ್ತಿರುವ ಮಹಿಳೆ­ಯರಿಗೆ ಬಡ್ತಿ ಅವಕಾಶ ಕೂಡ ಕಡಿಮೆ ಎಂಬ ಅಂಶ­ವನ್ನು ಅಧ್ಯಯನ ವರದಿ ಬಹಿರಂಗಪಡಿಸಿದೆ.

ಇಸ್ರೇಲ್‌ನ ಟೆಲ್‌ ಅವಿವ್‌ ವಿಶ್ವ­ವಿದ್ಯಾ­ಲಯ ಮತ್ತು ಹೈಫಾ ವಿಶ್ವವಿದ್ಯಾಲಯದ ಅಧ್ಯಾ­ಪಕರು 27 ದೇಶಗಳ ಉದ್ಯೋ­ಗಸ್ಥ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆ­ಗಳ ಮೇಲೆ ಬೆಳಕು ಚೆಲ್ಲುವ ಕುರಿತು ಕೈಗೊಂಡ ಅಧ್ಯಯನ ವರದಿಯಲ್ಲಿ ಈ ವಿಷಯ ಬೆಳಕಿಗೆ ಬಂದಿದೆ.

ಈ ನಿರ್ಧಾರಕ್ಕೆ ಬರುವ ಸಂಶೋ­ಧ­ಕರು 27 ದೇಶಗಳ  ೯,೦೦೦ ಉದ್ಯೋ­­ಗಸ್ಥ ಮಹಿಳೆಯರು ಮತ್ತು 8,500 ಪುರುಷರ ಸಮೀಕ್ಷೆ ನಡೆಸಿದ್ದಾರೆ. ಕೆಲಸ ಮಾಡುವ ಸ್ಥಳದಲ್ಲಿ ಮಹಿಳೆ­ಯರಿಗೆ ನೀಡುವ ಸೌಲಭ್ಯ, ವಾತಾ­ವ­ರಣ ಕೂಡ ಹೇಳಿ­ಕೊಳ್ಳುವ ರೀತಿ ಇಲ್ಲ. ಪುರು­ಷ­ರು ಅನು­ಭವಿಸುವ ಸೌಲಭ್ಯ ಬಳಸಿ­ಕೊಳ್ಳಲು ಮಹಿಳೆಗೆ ಸಾಧ್ಯ­ವಾಗಿಲ್ಲ . ಅಮೆರಿಕ, ಆಸ್ಟ್ರೇ­ಲಿಯಾ, ಫ್ರಾನ್ಸ್‌, ಜಪಾನ್‌, ರಷ್ಯಾ ಸೇರಿ 27 ದೇಶ­ಗಳ ಮಹಿಳೆ­ಯರು ಮತ್ತು ಪುರುಷರ ಅಭಿಪ್ರಾಯ ಪಡೆಯಲಾಗಿದೆ.