ಮಾಹಿತಿ ಸೋರಿಕೆಗೆ ನಾನೇ ಹೊಣೆ: ಮಾರ್ಕ್‌ ಝುಕರ್‌ಬರ್ಗ್‌
Published 10 ಏಪ್ರಿಲ್ 2018, 19:30 IST
ಮಾಹಿತಿ ಸೋರಿಕೆಗೆ ನಾನೇ ಹೊಣೆ: ಮಾರ್ಕ್‌ ಝುಕರ್‌ಬರ್ಗ್‌
ವಾಷಿಂಗ್ಟನ್‌: ‘ಮಾಹಿತಿ ಸೋರಿಕೆಗೆ ನಾನೇ ಹೊಣೆ’ ಎಂದು ಫೇಸ್‌ಬುಕ್‌ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಮಾರ್ಕ್‌ ಝುಕರ್‌ಬರ್ಗ್‌ ಮತ್ತೊಮ್ಮೆ ಕ್ಷಮೆಯಾಚಿಸಿದ್ದಾರೆ.
ವೈಯಕ್ತಿಕ ಮಾಹಿತಿ ಕಳ್ಳತನ ಮತ್ತು 2016ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಕೆಲವು ದೇಶಗಳು ಹಸ್ತಕ್ಷೇಪ ಮಾಡಿರುವ ಬಗ್ಗೆ ವಿವರಣೆ ನೀಡಲು ಅಮೆರಿಕ ಸಂಸದರ ಮುಂದೆ ಝುಕರ್‌ಬರ್ಗ್‌ ಹಾಜರಾಗಲಿದ್ದಾರೆ.
ಈ ಬಗ್ಗೆ ಅವರು ಸಿದ್ಧಪಡಿಸಿರುವ ಹೇಳಿಕೆಯನ್ನು ಇಂಧನ ಮತ್ತು ವಾಣಿಜ್ಯ ಸಮಿತಿ ಬಿಡುಗಡೆ ಮಾಡಿದೆ.
‘ನಮ್ಮ ಜವಾಬ್ದಾರಿ ಕುರಿತು ವಿಶಾಲ ದೃಷ್ಟಿಹೊಂದುವಲ್ಲಿ ವಿಫಲರಾಗಿದ್ದೇವೆ. ಇದು ದೊಡ್ಡ ತಪ್ಪು. ಇದರಲ್ಲಿ ನನ್ನ ತಪ್ಪು ಸಹ ಇದೆ. ನನ್ನನ್ನು ಕ್ಷಮಿಸಿ. ಫೇಸ್ಬುಕ್ ಅನ್ನು ನಾನೇ ಆರಂಭಿಸಿ ಉಸ್ತುವಾರಿ ವಹಿಸಿಕೊಂಡಿದ್ದೇನೆ. ಇಲ್ಲಿ ನಡೆಯುವ ಘಟನೆಗಳಿಗೆ ನಾನೇ ಹೊಣೆ’ ಎಂದು ಝುಕರ್‌ಬುರ್ಗ್‌ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.