ರಾಯಭಾರ ಕಚೇರಿಗಳಿಗೆ ರಕ್ಷಣೆ ನೀಡುವುದು ಕಡ್ಡಾಯ: ಚೀನಾ

ಬೀಜಿಂಗ್: ತನ್ನ ದೇಶದ ರಾಯಭಾರ ಕಚೇರಿಗಳು ಹಾಗೂ ರಾಜತಾಂತ್ರಿಕ ಅಧಿಕಾರಿಗಳಿಗೆ ಕಡ್ಡಾಯವಾಗಿ ರಕ್ಷಣೆ ನೀಡಬೇಕು ಎಂದು ಚೀನಾ ಹೇಳಿದೆ.

ಆದರೆ ಪಾಕಿಸ್ತಾನದಲ್ಲಿರುವ ಚೀನಾ ರಾಯಭಾರಿ ಯಾವೊ ಜಿಂಗ್ ಅವರಿಗೆ ಪೂರ್ವ ತರ್ಕಿಸ್ತಾನ ಇಸ್ಲಾಮಿಕ್ ಚಳವಳಿಯ (ಇಟಿಐಎಂ) ಭಯೋತ್ಪಾದಕ ಸಂಘಟನೆಯಿಂದ ಬಂದಿರುವ ಬೆದರಿಕೆ ಕುರಿತು ಪಾಕಿಸ್ತಾನಕ್ಕೆ ನೀಡಿರುವ ದೂರಿನ ಕುರಿತು ಪ್ರತಿಕ್ರಿಯಿಸಲು ಚೀನಾ ನಿರಾಕರಿಸಿದೆ.

ಜಿಂಗ್‌ ಅವರನ್ನು ಹತ್ಯೆ ಮಾಡಲು ಇಟಿಐಎಂ ಸದಸ್ಯ ಪಾಕಿಸ್ತಾನಕ್ಕೆ ನುಸುಳಿದ್ದಾನೆ. ಆದ್ದರಿಂದ ಜಿಂಗ್‌ ಅವರ ಭದ್ರತೆ ಹೆಚ್ಚಿಸಬೇಕು ಎಂದು ಪಾಕಿಸ್ತಾನದ ಆಂತರಿಕ ಸಚಿವಾಲಯಕ್ಕೆ ಅ.19ರಂದು ಚೀನಾದ ರಾಯಭಾರ ಕಚೇರಿ ಮನವಿ ಮಾಡಿದೆ.