ವಾರ್ಷಿಕ ವೇತನವನ್ನು ದಾನ ಮಾಡಲು ನಿರ್ಧರಿಸಿದ ಡೊನಾಲ್ಡ್ ಟ್ರಂಪ್
2.64 ಕೋಟಿ ವಾರ್ಷಿಕ ವೇತನ
Published 14 ಮಾರ್ಚ್ 2017, 10:05 IST
ವಾರ್ಷಿಕ ವೇತನವನ್ನು ದಾನ ಮಾಡಲು ನಿರ್ಧರಿಸಿದ ಡೊನಾಲ್ಡ್ ಟ್ರಂಪ್
ವಾಷಿಂಗ್ಟನ್: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ತಮ್ಮ ವಾರ್ಷಿಕ ವೇತನವನ್ನು ಪ್ರಸಕ್ತ ಆರ್ಥಿಕ ವರ್ಷದ ಕೊನೆಯಲ್ಲಿ ಸಂಸ್ಥೆಯೊಂದಕ್ಕೆ ದಾನ ಮಾಡಲು ನಿರ್ಧರಿಸಿದ್ದಾರೆ ಎಂದು ಟ್ರಂಪ್ ಅವರ ವಕ್ತಾರ ಸೀನ್ ಸ್ಪೈಸರ್ ತಿಳಿಸಿದ್ದಾರೆ.
ಟ್ರಂಪ್ ಅವರ ವಾರ್ಷಿಕ ವೇತನ 2.64 ಕೋಟಿ ಇದ್ದು, ಸಂಪೂರ್ಣ ಹಣವನ್ನು ಅಮೆರಿಕದ ಜನತೆಯ ಶ್ರೇಯೋಭಿವೃದ್ಧಿಗಾಗಿ ಮೀಸಲಿಡಲಿದ್ದಾರೆ ಎಂದು ಹೇಳಿದ್ದಾರೆ.
ಅಧ್ಯಕ್ಷೀಯ ಚುನಾವಣಾ ಪ್ರಚಾರದ ವೇಳೆ ಡೊನಾಲ್ಡ್ ಟ್ರಂಪ್ ಅವರು ಬಡವರು, ನಿರ್ಗತಿಕರಿಗೆ ಸಹಾಯ ಹಸ್ತ ನೀಡುವುದಾಗಿ ಹೇಳಿಕೊಂಡಿದ್ದರು. ಪ್ರಣಾಳಿಕೆಯಲ್ಲಿ ನೀಡಿದ ಆಶ್ವಾಸನೆಯಂತೆ ಟ್ರಂಪ್ ಅವರು ನಡೆದುಕೊಳ್ಳುತ್ತಿದ್ದಾರೆ ಎಂದು ಸೀನ್ ಸ್ಪೈಸರ್ ಅವರು ಹೇಳಿದ್ದಾರೆ.
ಈ ಹಿಂದೆ ಹರ್ಬರ್ಟ್‌ ಹೂವರ್ ಹಾಗೂ ಜಾನ್‌ ಎಫ್‌. ಕೆನಡಿ ಅವರು ಕೂಡ ವಾರ್ಷಿಕ ವೇತನವನ್ನು ಜನರ ಸೇವಾ ಕಾರ್ಯದ ನಿಮಿತ್ತ ದಾನ ಮಾಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.
