ವಿಶ್ವಸಂಸ್ಥೆ: ಭಾರತ ಸೇರಿದಂತೆ ಅಮೆರಿಕ, ಬ್ರಿಟನ್, ಫ್ರಾನ್ಸ್ನಂತಹ ಪ್ರಬಲ ರಾಷ್ಟ್ರಗಳ ಭಾರೀ ವಿರೋಧದ ನಡುವೆಯೂ ಜಾಗತಿಕ ಅಣ್ವಸ್ತ್ರ ನಿಷೇಧ ಒಪ್ಪಂದವನ್ನು ವಿಶ್ವಸಂಸ್ಥೆ ಅಳವಡಿಸಿಕೊಂಡಿದೆ.
ವಿಶ್ವಸಂಸ್ಥೆಯ ಐತಿಹಾಸಿಕ ಹಾಗೂ ಪ್ರಥಮ ಜಾಗತಿಕ ಅಣ್ವಸ್ತ್ರ ನಿಷೇಧ ಒಪ್ಪಂದಕ್ಕೆ 122 ರಾಷ್ಟ್ರಗಳು ಮತ ಹಾಕಿವೆ.
ಪರಮಾಣು ನಿಶಸ್ತ್ರೀಕರಣಕ್ಕೆ 20 ವರ್ಷಗಳಿಂದ ಸುದೀರ್ಘ ಮಾತುಕತೆ ನಡೆಸಿದ್ದು, ಕಾನೂನುಬದ್ಧವಾಗಿ ಪರಮಾಣು ಶಸ್ತ್ರಾಸ್ತ್ರಗಳ ನಿಷೇಧ ಒಪ್ಪಂದವನ್ನು ಒಂದು ರಾಷ್ಟ್ರದ(ನೆದರ್ಲೆಂಡ್) ವಿರೋಧ, ಒಂದು ರಾಷ್ಟ್ರದ(ಸಿಂಗಾಪುರ) ಬಹಿಷ್ಕಾರದ ಹೊರತಾಗಿ 122 ರಾಷ್ಟ್ರಗಳ ಬಹುಮತ ಹಾಗೂ ಚಪ್ಪಾಳೆಯೊಂದಿಗೆ ಶುಕ್ರವಾರ ವಿಶ್ವಸಂಸ್ಥೆ ಅಳವಡಿಸಿಕೊಂಡಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.