ಸಾಕ್ಷರತೆ ವೃದ್ಧಿ: ಭಾರತಕ್ಕೆ 7 ಲಕ್ಷ ಡಾಲರ್ ನೆರವು

ಹ್ಯೂಸ್ಟನ್ (ಪಿಟಿಐ): ಇಲ್ಲಿನ ‘ಪ್ರಥಮ್ ಹ್ಯೂಸ್ಟನ್’ ಸ್ವಯಂ ಸೇವಾ ಸಂಸ್ಥೆಯು ಭಾರತದಲ್ಲಿ ಸಾಕ್ಷರತಾ ಪ್ರಮಾಣವನ್ನು ಏರಿಕೆ ಮಾಡುವ ಸಲುವಾಗಿ ಏಳು ಲಕ್ಷ ಡಾಲರ್‌ಗಳ ಅನುದಾನ ನೀಡುವುದಾಗಿ ಘೋಷಿಸಿದೆ.

ವಿಶ್ವದಾದ್ಯಂತ ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ದೊರಕಬೇಕು ಎಂಬ ಉದಾತ್ತ ಉದ್ದೇಶಕ್ಕಾಗಿ ಶ್ರಮಿಸುತ್ತಿರುವ ಈ ಸಂಸ್ಥೆಯು ಭಾರತದಲ್ಲಿ ಅನಕ್ಷರತೆ ಪ್ರಮಾಣ ಹೆಚ್ಚಿರುವ ಕಾರಣ ತಾನು ನೀಡುವ ನೆರವನ್ನು ಏಳು ಲಕ್ಷ ಡಾಲರ್‌ಗಳಿಗೆ ಏರಿಕೆ ಮಾಡಿದೆ.

ಅನಕ್ಷರತೆ ತೊಡೆದು ಹಾಕಲು ಪಣತೊಟ್ಟಿರುವ ಈ ಸಂಸ್ಥೆ ಆಯೋಜಿಸಿದ್ದ ನಿಧಿ ಸಂಗ್ರಹ ಕಾರ್ಯಕ್ರಮದಲ್ಲಿ ಅಮೆರಿಕದಲ್ಲಿ ವಾಸವಿರುವ 750ಕ್ಕೂ ಹೆಚ್ಚು ಭಾರತೀಯರು ಭಾಗವಹಿಸಿದ್ದರು.