ಸಿದ್ಧಾರ್ಥ ಮುಖರ್ಜಿಗೆ ಲೈಟ್ ಆಫ್ ಇಂಡಿಯಾ ಪ್ರಶಸ್ತಿ

ನ್ಯೂಯಾರ್ಕ್(ಐಎಎನ್‌ಎಸ್):  ಟೈಮ್ಸ ಸಮೂಹದ ರೆಮಿಟ್ ಟು ಇಂಡಿಯಾ ನೀಡುವ ಲೈಟ್ ಆಫ್ ಇಂಡಿಯಾ  ಪ್ರಶಸ್ತಿಗೆ ಭಾರತೀಯ ಮೂಲದ ಅಮೆರಿಕ ಬರಹಗಾರ ಸಿದ್ಧಾರ್ಥ ಮುಖರ್ಜಿ ಅವರು  ಆಯ್ಕೆಯಾಗಿದ್ದಾರೆ.

 ಸಿದ್ಧಾರ್ಥ ಅವರು  ಕ್ಯಾನ್ಸರ್ ರೋಗದ ಬಗ್ಗೆ ಬರೆದಿದ್ದ  `ದಿ ಎಂಪರರ್ ಆಫ್ ಆಲ್ ಮಾಲಡೀಸ್~ ಕೃತಿಗೆ ಪುಲಿಟ್ಜರ್  ಪ್ರಶಸ್ತಿ ಲಭಿಸಿತ್ತು.ದೆಹಲಿ ಮೂಲದ ಮುಖರ್ಜಿ, ಕೊಲಂಬಿಯಾ ವಿವಿಯ ವೈದ್ಯಕೀಯ ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕ ರಾಗಿದ್ದು, ಶನಿವಾರ ನಡೆಯುವ ಸಮಾರಂಭದಲ್ಲಿ ಈ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ.

ಇವರ ಜತೆ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿರುವ 19 ಮಂದಿ ಭಾರತೀಯರನ್ನು ಈ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.