ಹವಾಯಿಯಲ್ಲಿ ಜ್ವಾಲಾಮುಖಿ

ಪಹೋವಾ, ಅಮೆರಿಕ: ಹವಾಯಿ ದ್ವೀಪದಲ್ಲಿ ಕಿಲೂಯೆ ಜ್ವಾಲಾಮುಖಿಯ ಪರಿಣಾಮ 31ಕ್ಕೂ ಹೆಚ್ಚು ಮನೆಗಳು ಹಾನಿಗೀಡಾಗಿದ್ದು, ಲಾವಾರಸ 200 ಅಡಿ ಎತ್ತರಕ್ಕೆ ಚಿಮ್ಮುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮುಂಜಾಗ್ರತಾ ಕ್ರಮವಾಗಿ 1,700ಕ್ಕೂ ಹೆಚ್ಚು ಮಂದಿಯನ್ನು ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸಲಾಗಿದೆ.

‘ಲೈಲಾನಿ ಎಸ್ಟೇಟ್‌ ಪ್ರದೇಶದಲ್ಲಿ ಮನೆಗಳು ಹಾನಿಗೀಡಾಗಿದ್ದು, ಜ್ವಾಲಾಮುಖಿ ಪರಿಣಾಮ ಬಂಡೆಗಳು ಕರಗಿವೆ. ಭೂಮಿ ಬಿರುಕು ಬಿಟ್ಟ ಸ್ಥಳಗಳಲ್ಲಿ ವಿಷಾನಿಲಗಳು ಹೊರಹೊಮ್ಮುತ್ತಿವೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.