1984ರ ಸಿಖ್ ವಿರೋಧಿ ಗಲಭೆ:ಮೊಕದ್ದಮೆ ಕೈಬಿಡಲು ಮನವಿ

ನ್ಯೂಯಾರ್ಕ್ (ಪಿಟಿಐ): ಅಮೆರಿಕದಲ್ಲಿ ನಡೆದ `1984ರ ಸಿಖ್ ವಿರೋಧಿ ಗಲಭೆ~ಗೆ ಸಂಬಂಧಿಸಿದಂತೆ ತನ್ನ ವಿರುದ್ಧ ದಾಖಲಿಸಿರುವ ಮೊಕದ್ದಮೆಯನ್ನು ವಿಳಂಬ ದೂರಿನ ಹಿನ್ನೆಲೆಯಲ್ಲಿ ವಜಾಗೊಳಿಸುವಂತೆ ಭಾರತ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷ ಇಲ್ಲಿನ ನ್ಯಾಯಾಲಯಕ್ಕೆ ಮನವಿ ಮಾಡಿದೆ.

ಇದೇ ತಿಂಗಳ 27ರಂದು ಅಮೆರಿಕದ ನ್ಯಾಯಾಲಯದಲ್ಲಿ ಈ ಪ್ರಕರಣದ ವಿಚಾರಣೆ ನಡೆಯಲಿದೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೇ 29ರಂದು ಇಲ್ಲಿನ ಫೆಡರಲ್ ಕೋರ್ಟ್‌ನಲ್ಲಿ  ಕಾಂಗ್ರೆಸ್ ಪಕ್ಷ ಅರ್ಜಿ ಸಲ್ಲಿಸಿದ್ದು, ಅರ್ಜಿಯಲ್ಲಿ, `ನ್ಯಾಯ ಕೇಳಿ ಸಿಖ್ ಬಲಪಂಥೀಯರು ಸಲ್ಲಿಸಿರುವ ಅರ್ಜಿಯನ್ನು ವಜಾಗೊಳಿಸುವಂತೆ~ ಕೇಳಿದೆ.

`ಸಿಖ್ ವಿರೋಧಿ ಗಲಭೆ~ ನಡೆದಿದ್ದು 1984ರ ನವೆಂಬರ್‌ನಲ್ಲಿ. ಆದರೆ ಸಂತ್ರಸ್ಥರು 2011ರ ಮಾರ್ಚ್‌ನಲ್ಲಿ ದೂರು ದಾಖಲಿಸಿದ್ದಾರೆ. ಘಟನೆ ನಡೆದು 25 ವರ್ಷಗಳು ಕಳೆದಿವೆ. ಮೊಕದ್ದಮೆ ವಿಚಾರಣೆಯ ಕಾನೂನಿನ ಅವಧಿ ಕೂಡ ಗಡುವು ಮೀರಿದೆ ಎಂದು ಕಾಂಗ್ರೆಸ್ ಪಕ್ಷದ ಪರ ವಕೀಲರು ತಿಳಿಸಿದ್ದಾರೆ.