ಇಂಡೊನೇಷ್ಯಾ: ದೋಣಿ ಮುಳುಗಿ 26 ಮಂದಿ ನಾಪತ್ತೆ

ಜಕಾರ್ತ: ಇಂಡೊನೇಷ್ಯಾದ ಕರಾವಳಿಯಲ್ಲಿ ಹವಾಮಾನ ವೈಪರೀತ್ಯ ಮತ್ತು ಇಂಧನ ಖಾಲಿಯಾದ ಪರಿಣಾಮ ದೋಣಿ ಮುಳುಗಿ, 26 ಮಂದಿ ಶನಿವಾರ ಕಾಣೆಯಾಗಿದ್ದಾರೆ.

43 ಮಂದಿ ಪ್ರಯಾಣಿಕರಿದ್ದ ದೋಣಿ ಸುಲವೇಸಿ ಮತ್ತು ಬೊರ್ನಿಯೊ ದ್ವೀಪಗಳನ್ನು ಪ್ರತ್ಯೇಕಿಸುವ ಮಕಸ್ಸಾರ್ ಜಲಸಂಧಿಯಲ್ಲಿ ಗುರುವಾರವೇ ಮುಳುಗಿತ್ತು. ಆದರೆ, ಈ ಮಾಹಿತಿ ರಕ್ಷಣಾ ಅಧಿಕಾರಿಗಳಿಗೆ ಶನಿವಾರ ಲಭಿಸಿದೆ.

‘ಅದೇ ಮಾರ್ಗದಲ್ಲಿ ಹಾದು ಹೋಗುತ್ತಿದ್ದ ಎರಡು ರಕ್ಷಣಾ ದೋಣಿಗಳಿಂದ (ಟಗ್‌ ಬೋಟ್‌) 17 ಜನರನ್ನು ಜೀವಂತವಾಗಿ ರಕ್ಷಿಸಲಾಗಿದೆ. ನಾಪತ್ತೆಯಾದವರಿಗೆ ರಕ್ಷಣಾ ತಂಡ ಶೋಧ ಕಾರ್ಯಾಚರಣೆ ನಡೆಸುತ್ತಿದೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.