ಚೀನಾದಲ್ಲಿ ಭೀಕರ ಮಳೆ: 6 ಮಂದಿ ಸಾವು, 2 ಲಕ್ಷ ಮಂದಿ ಸ್ಥಳಾಂತರ

ಬೀಜಿಂಗ್‌: ಚೀನಾದಲ್ಲಿ ಸುರಿಯುತ್ತಿರುವ ಮಳೆಯಿಂದಾಗಿ ಈ ವಾರ 6 ಮಂದಿ ಮೃತಪಟ್ಟಿದ್ದು, ಅಂದಾಜು ಎರಡು ಲಕ್ಷ ಮಂದಿಯನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ.

ಬಾರೀ ಮಳೆಯ ಪರಿಣಾಮ ಸೋಮವಾರ ಜಿಯಾಂಗ್‌ಷಿ ಪ್ರಾಂತ್ಯದಲ್ಲಿ ಭೂಕುಸಿತದಲ್ಲಿ ಸಿಲುಕಿ ಇಬ್ಬರು ಮತ್ತುಮಂಗಳವಾರ ಮನೆ ಕುಸಿದು ಬಿದ್ದು ಫುಜಿಯಾನ್ ಪ್ರಾಂತ್ಯದಲ್ಲಿ ಮೂವರು ಮೃತಪಟ್ಟಿದ್ದಾರೆ. ಉತ್ತರ ಚೀನಾದಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ.

ನಿರಂತರ ಮಳೆಯಾಗುತ್ತಿರುವ ಕಾರಣ ಚೀನಾದಲ್ಲಿ ರಸ್ತೆಗಳು ಕೆಸರು ನೀರಿನಿಂದ ಆವೃತವಾಗಿವೆ.ಕಳೆದ ವಾರ ಮಳೆಯಿಂದಾಗಿ ಚೀನಾದ ಕೇಂದ್ರ ಭಾಗದಲ್ಲಿ 17 ಮಂದಿ ಮೃತಪಟ್ಟಿದ್ದರು.