ಬುಡಕಟ್ಟು ಗುಂಪುಗಳ ನಡುವೆ ಗುಂಡಿನ ಚಕಮಕಿ: 9 ಮಂದಿ ಸಾವು

ಕರಾಚಿ: ‘ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ಎರಡು ಬುಡಕಟ್ಟು ಗುಂಪುಗಳ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಕನಿಷ್ಠ 9 ಜನರು ಮೃತಪಟ್ಟಿದ್ದಾರೆ. ಐದು ಮಂದಿಗೆ ಗಾಯಗಳಾಗಿವೆ’ ಎಂದು ಮಾಧ್ಯಮವೊಂದು ಭಾನುವಾರ ವರದಿ ಮಾಡಿದೆ.

‘ಕಂಧಕೋಟ್‌ನಲ್ಲಿ ಜಗಿರಾನಿ ಮತ್ತು ಚಚಾರ್‌ ಬುಡಕಟ್ಟು ಗುಂಪಿನ ನಡುವೆ ಶನಿವಾರ ಗುಂಡಿನ ಕಾಳಗ ನಡೆದಿದ್ದು, ದೀರ್ಘ ಕಾಲದ ದ್ವೇಷವೇ ಇದಕ್ಕೆ ಕಾರಣ’ ಎಂದು ಎಆರ್‌ವೈ ನ್ಯೂಸ್‌ ವರದಿಯಲ್ಲಿ ಹೇಳಲಾಗಿದೆ.

‘ಸದ್ಯ ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದ್ದು, ಪೊಲೀಸರು ಪರಿಸ್ಥಿತಿಯನ್ನು ಹತೋಟಿಗೆ ತಂದಿದ್ದಾರೆ ’ ಎಂದು ವರದಿಯಲ್ಲಿ ತಿಳಿಸಲಾಗಿದೆ.