ಚಂದ್ರಯಾನ ಸಂಭ್ರಮದಲ್ಲಿ ಭಾಗಿ: ಬಾಂಗ್ಲಾ ಪ್ರಧಾನಿ ಶೇಖ್‌ ಹಸೀನಾ

ಢಾಕಾ/ಜೋಹಾನಸ್‌ಬರ್ಗ್: ಚಂದ್ರಯಾನ–3 ಯಶಸ್ಸಿಗಾಗಿ ಬಾಂಗ್ಲಾದೇಶ ಕೂಡಾ ಭಾರತದ ಜೊತೆಗೂಡಿ ಸಂಭ್ರಮಿಸಲಿದೆ ಎಂದು ಬಾಂಗ್ಲಾ ಪ್ರಧಾನಿ ಶೇಖ್‌ ಹಸೀನಾ ಪ್ರತಿಕ್ರಿಯಿಸಿದ್ದಾರೆ.

‘ಪ್ರಧಾನಿ ಹಸೀನಾ ಈ ಸಂಬಂಧ ಭಾರತದ ಪ್ರಧಾನಿಯವರಿಗೆ ಅಭಿನಂದನೆ ಸಂದೇಶ ಕಳುಹಿಸಿದ್ದಾರೆ’ ಎಂದು ಎಕ್ಸ್‌ ಜಾಲತಾಣದಲ್ಲಿ ಬಾಂಗ್ಲಾದೇಶ ಸರ್ಕಾರ ಟ್ವೀಟ್ ಮಾಡಿದೆ.

‘ಸಂಭ್ರಮದ ಕ್ಷಣಗಳಲ್ಲಿ ಬಾಂಗ್ಲಾದೇಶದ ಜನರು ಭಾಗಿಯಾಗಲಿದ್ದಾರೆ. ಇದು, ದಕ್ಷಿಣ ಏಷ್ಯಾದ ರಾಷ್ಟ್ರಗಳಿಗೆ ಹೆಮ್ಮೆಯ ಕ್ಷಣ ಮತ್ತು ಸ್ಫೂರ್ತಿದಾಯಕವಾದುದು ಎಂದು ಶೇಖ್‌ ಹಸೀನಾ ಸಂದೇಶದಲ್ಲಿ ತಿಳಿಸಿದ್ದಾರೆ’ ಎಂದು ಢಾಕಾ ಟ್ರಿಬ್ಯೂನ್ ವರದಿ ಮಾಡಿದೆ.