ಕಾಬೂಲ್‌: ಸಚಿವಾಲಯದ ಆವರಣದಲ್ಲಿ ಸ್ಫೋಟ, 1ಸಾವು ಮೂವರಿಗೆ ಗಾಯ

ಕಾಬೂಲ್: ಅಫ್ಗಾನಿಸ್ತಾನ ರಾಜಧಾನಿ ಕಾಬೂಲ್‌ನಲ್ಲಿರುವ ಸಚಿವಾಲಯದ ಆವರಣದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಒಬ್ಬ ಹತನಾಗಿ, ನಂತರ ಸಂಭವಿಸಿದ ಸ್ಫೋಟದಲ್ಲಿ ಮೂವರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ಗುರುವಾರ ತಿಳಿಸಿದ್ದಾರೆ. 

‘ಆಗಂತುಕನೊಬ್ಬ ದಾಳಿಗೆ ಯತ್ನಿಸಿದಾಗ ಭದ್ರತಾ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಆತನನ್ನು ಹತ್ಯೆ ಮಾಡಿದ್ದಾರೆ. ಈ ವೇಳೆ, ಸಂಭವಿಸಿದ ಸ್ಫೋಟದಲ್ಲಿ ಮೂವರು ಗಾಯಗೊಂಡಿದ್ದಾರೆ’ ಎಂದು ಸರ್ಕಾರದ ವಕ್ತಾರ ಮೊಹಮ್ಮದ್ ಕಮಲ್ ಅಫ್ಗನ್‌ ತಿಳಿಸಿದ್ದಾರೆ. 

ಯಾವ ಸಂಘಟನೆಯೂ ಈ ದಾಳಿ ಯತ್ನದ ಹೊಣೆ ಹೊತ್ತುಕೊಂಡಿಲ್ಲ.