ಅಮೆರಿಕ: ಬೋಯಿಂಗ್-737 ಮ್ಯಾಕ್ಸ್‌ ತುರ್ತು ಭೂ ಸ್ಪರ್ಶ

ನೆವರ್ಕ್: ಅಮೆರಿಕದ ಏರ್‌ಲೈನ್ಸ್‌ ಬೋಯಿಂಗ್‌-737 ಮ್ಯಾಕ್ಸ್‌ ವಿಮಾನವು ಶುಕ್ರವಾರ ಮಧ್ಯಾಹ್ನ ನ್ಯೂಜೆರ್ಸಿಯ ನೆವರ್ಕ್‌ನಲ್ಲಿ ತುರ್ತು ಭೂಸ್ಪರ್ಶ ಮಾಡಿದೆ.

‘ಮಿಯಾಮಿಯಿಂದ ಟೇಕ್‌ ಆಫ್‌ ಆದ ಬೋಯಿಂಗ್‌-737 ಮ್ಯಾಕ್ಸ್‌ನ ಎಂಜಿನ್‌ನಲ್ಲಿ ತೈಲದ ಒತ್ತಡ ಹೆಚ್ಚಾಗಿ ತಾಂತ್ರಿಕ ಸಮಸ್ಯೆ ಎದುರಾಗಿತ್ತು. ಹೀಗಾಗಿ ವಿಮಾನವನ್ನು ತುರ್ತು ಭೂ ಸ್ಪರ್ಶ ಮಾಡಲಾಗಿದೆ. ವಿಮಾನದಲ್ಲಿದ್ದ 96 ಪ್ರಯಾಣಿಕರು ಮತ್ತು 6 ಸಿಬ್ಬಂದಿ ಸುರಕ್ಷಿತವಾಗಿದ್ದಾರೆ’ ಎಂದು ವಿಮಾನಯಾನ ಸಂಸ್ಥೆಯ ವಕ್ತಾರರು ತಿಳಿಸಿದರು.