ರಷ್ಯಾ ಇಂಧನ ಖರೀದಿ ಬಹಿಷ್ಕರಿಸಲು ಜರ್ಮನಿ ನಕಾರ

ಬರ್ಲಿನ್: ಉಕ್ರೇನ್ ಮೇಲಿನ ಆಕ್ರಮಣದಿಂದಾಗಿ ರಷ್ಯಾದ ಮೇಲೆ ಹಲವು ದೇಶಗಳು ಕಠಿಣ ನಿರ್ಬಂಧದ ವಿಧಿಸಿರುವ ಹೊರತಾಗಿಯೂ, ರಷ್ಯಾದಿಂದ ಇಂಧನ ಪೂರೈಕೆ ಬಹಿಷ್ಕರಿಸಲು ಜರ್ಮನಿ ನಿರಾಕರಿಸಿದೆ.

ರಷ್ಯಾದ ಮೇಲೆ ಈಗಾಗಲೇ ಸಾಕಷ್ಟು ನಿರ್ಬಂಧಗಳನ್ನು ಹೇರಲಾಗಿದೆ. ರಷ್ಯಾದ ಅರ್ಥ ವ್ಯವಸ್ಥೆ ಮೇಲೆ ದಿನೇ ದಿನೇ ಪರಿಣಾಮ ಬೀರಿದೆ. ರಷ್ಯಾದಿಂದ ತೈಲೋತ್ಪನ್ನ ಆಮದು ಮಾಡಿಕೊಳ್ಳುವ ವಿಚಾರದಲ್ಲಿ ಜರ್ಮನಿಯ ನಿಲುವಿನಲ್ಲಿ ಯಾವುದೇ ಬದಲಾವಣೆ ಮಾಡಿಕೊಳ್ಳುವ ಪ್ರಶ್ನೆಯೇ ಇಲ್ಲ ಎಂದು ಜರ್ಮನಿಯ ಛಾನ್ಸಲರ್‌ಒಲಾಫ್‌ ಶೋಲ್ಸ್‌ ಬುಧವಾರ ತಿಳಿಸಿದರು.

ರಷ್ಯಾದ ತೈಲ, ಕಲ್ಲಿದ್ದಲು ಮತ್ತು ಅನಿಲದ ಮೇಲೆ ಹೆಚ್ಚು ಜರ್ಮನಿಗಿಂತಲೂಯುರೋಪಿನ ಇತರ ದೇಶಗಳು ಹೆಚ್ಚು ಅವಲಂಬಿತವಾಗಿವೆ ಎಂದು ಅವರು ಹೇಳಿದರು.