ಇರಾನ್ ಪೊಲೀಸ್‌ ಠಾಣೆ ಮೇಲೆ ದಾಳಿ: 11 ಮಂದಿ ಸಾವು

ದುಬೈ: ಶಂಕಿತ ಪ್ರತ್ಯೇಕತಾವಾದಿಗಳ ಗುಂಪೊಂದು ಆಗ್ನೇಯ ಇರಾನ್‌ ಪೊಲೀಸ್‌ ಠಾಣೆ ಮೇಲೆ  ಗುರುವಾರ ತಡರಾತ್ರಿ ನಡೆಸಿದ ದಾಳಿಯಲ್ಲಿ 11 ಮಂದಿ ಪೊಲೀಸರು ಮೃತಪಟ್ಟು, ಹಲವರು ಗಾಯಗೊಂಡಿದ್ದಾರೆ ಎಂದು ಸರ್ಕಾರಿ ಸ್ವಾಮ್ಯದ ಮಾಧ್ಯಮವೊಂದು ಶುಕ್ರವಾರ ವರದಿ ಮಾಡಿದೆ.

ಸಿಸ್ತಾನ್ ಮತ್ತು ಬಲೂಚಿಸ್ತಾನ ಪ್ರಾಂತ್ಯದ ಉಪ ಗವರ್ನರ್‌ ಅಲಿ ರಿಝಾ ಮರ್ಹೆಮಟಿ ಅವರು, ‘ತಡರಾತ್ರಿ 2 ಗಂಟೆ ವೇಳೆ ನಡೆಸಿದ ದಾಳಿಯಲ್ಲಿ ಹಿರಿಯ ಪೊಲೀಸ್‌ ಅಧಿಕಾರಿಗಳು ಮತ್ತು ಸೈನಿಕರು ಮೃತಪಟ್ಟಿದ್ದಾರೆ. ಪೊಲೀಸರು ನಡೆಸಿದ ಪ್ರತಿದಾಳಿಯಲ್ಲಿ ಹಲವು ದಾಳಿಕೋರರೂ ಸತ್ತಿದ್ದಾರೆ’ ಎಂದು ತಿಳಿಸಿದ್ದಾರೆ.

ಜೈಷ್‌–ಅಲ್‌–ಅದಿ ಪ್ರತ್ಯೇಕವಾದಿಗಳ ಗುಂಪು ದಾಳಿ ನಡೆಸಿರಬಹುದು ಎಂದು ಸರ್ಕಾರಿ ಸ್ವಾಮ್ಯದ ಮಾಧ್ಯಮ ಆರೋಪಿಸಿದೆ. ಈ ಗುಂಪು, 2019ರಲ್ಲಿ ರೆವಲ್ಯೂಷನರಿ ಗಾರ್ಡ್‌ ಸಂಘಟನೆಯ 27 ಸದಸ್ಯರ ಸಾವಿಗೆ ಕಾರಣವಾಗಿದ್ದ ಆತ್ಮಾಹುತಿ ಬಾಂಬ್‌ ದಾಳಿಯ ಹೊಣೆ ಹೊತ್ತಿತ್ತು.