ನೇಪಾಳದ ಸೇನಾ ಮುಖ್ಯಸ್ಥ– ಲೆಫ್ಟಿನೆಂಟ್‌ ಜನರಲ್‌ ಸೇನ್‌ಗುಪ್ತಾ ಭೇಟಿ

ಕಠ್ಮಂಡು: ಭಾರತೀಯ ಸೇನೆಯ ಲೆಫ್ಟಿನೆಂಟ್‌ ಜನರಲ್‌ ಅನಿಂದ್ಯ ಸೇನ್‌ಗುಪ್ತಾ ಅವರು ನೇಪಾಳದ ಸೇನಾ ಮುಖ್ಯಸ್ಥ ಜನರಲ್‌ ಅಶೋಕ್‌ ರಾಜ್‌ ಸಿಗ್‌ಡೆಲ್ ಅವರನ್ನು ಬುಧವಾರ ಭೇಟಿ ಮಾಡಿದ್ದಾರೆ.

ಭಾರತ ಮತ್ತು ನೇಪಾಳದ ನಡುವಿನ ರಕ್ಷಣಾ ಸಹಕಾರವನ್ನು ಮತ್ತಷ್ಟು ಬಲಪಡಿಸುವ ಕ್ರಮಗಳ ಕುರಿತು ಇಬ್ಬರೂ ಚರ್ಚೆ ನಡೆಸಿದ್ದಾರೆ.

ಜನರಲ್‌ ಸಿಗ್‌ಡೆಲ್ ಅವರು ಭಾರತೀಯ ಸೇನೆಯ ಗೌರವ ಜನರಲ್‌ ಕೂಡ ಆಗಿದ್ದಾರೆ.

ನಾಲ್ಕು ದಿನಗಳ ಪ್ರವಾಸಕ್ಕಾಗಿ ಕಠ್ಮಂಡುವಿಗೆ ಮಂಗಳವಾರ ತೆರಳಿದ ಜನರಲ್‌ ಸೇನ್‌ಗುಪ್ತಾ ಅವರು, ಭದ್ರಕಾಳಿ ಪ್ರಧಾನ ಕಚೇರಿಯಲ್ಲಿ ನೇಪಾಳದ ಸೇನಾ ಮುಖ್ಯಸ್ಥರನ್ನು ಭೇಟಿಯಾದರು.