ಡ್ರಗ್ಸ್‌ ಸಾಗಣೆ ಮಾಡಿದ್ದ ಭಾರತ ಮೂಲದ ವ್ಯಕ್ತಿಗೆ ಸಿಂಗಪುರದಲ್ಲಿ ಗಲ್ಲು

ಸಿಂಗಪುರ: ಮಾದಕ ವಸ್ತು ಕಳ್ಳಸಾಗಣೆ ನೀಡಿದ್ದ ಪ್ರಕರಣದಲ್ಲಿ ಅಪರಾಧಿಯಾಗಿದ್ದ ಭಾರತ ಮೂಲದ ತಂಗರಾಜು ಸುಪ್ಪಯ್ಯ (46) ಅವರನ್ನು ಬುಧವಾರ ಗಲ್ಲಿಗೇರಿಸಲು ನಿರ್ಧರಿಸಲಾಗಿದೆ ಎಂದು ಮಂಗಳವಾರ ಮಾಧ್ಯಮ ವರದಿಯೊಂದು ತಿಳಿಸಿದೆ. 

ಒಂದು ಕೆ.ಜಿ.ಗೂ ಹೆಚ್ಚು ಪ್ರಮಾಣದ ಗಾಂಜಾವನ್ನು ಸಾಗಣೆ ಮಾಡಿದ್ದ ಆರೋಪದಡಿ ತಂಗರಾಜು ಅವರಿಗೆ 2018ರ ಅಕ್ಟೋಬರ್‌ 9ರಂದು ಮರಣದಂಡನೆ ಶಿಕ್ಷೆ ವಿಧಿಸಲಾಗಿತ್ತು.

2014 ರಲ್ಲಿ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದರು.